ملتانی مٹی کو خوبصورتی کا ایک اہم جُز سمجھا جاتا ہے یہ صدیوں سےحسن کو نکھارنے کیلیئے استعمال ہونے والی قدرتی مٹی ہے جس کے بے شمار فائدے ہیں. عام طور پر یہ چہرے اور بالوں پر لگائی جاتی ہے لیکن کیا آپ جانتے ہیں اسے کھانے کے بھی کئی فوائد ہیں؟ اگر نہیں تو آج ہم آپ کو بتائیں گے کہ اسے کھانے سے آپ کے کون سے مسئلے حل ہوسکتے ہیں

مستقل قبض کیلیئے:

جن لوگوں کو مستقل قبض کی شکایت رہتی ہے ان کے لیئے ملتانی مٹی بہت فائدہ مند ہے. دوپہر کے کھانے کے بعد آدھا چمچ ملتانی مٹی کے پاؤڈر کو نیم گرم دودھ یا پانی کے ساتھ کھائیں اسکے ایک ہفتے استعمال سے آپ کو فائدہ پہنچے گا

: پیٹ کے کیڑے

اکثر بچوں کے پیٹ میں کیڑے ہوجاتے ہیں جس کی وجہ سے کھانا ان کے جسم پر نہیں لگ رہا ہوتا اور والدین اسی پریشانی میں مختلف ڈاکٹرز کے چکر لگا رہے ہوتے ہیں. اسکا آسان اور گھریلو حل یہ ہے کہ دو چمچ پودینے کے تیل میں ایک چٹکی ملتانی مٹی پاؤڈر ملا کر اسکا مرکب تیار کرلیں اور بچے کو کچھ دن روزانہ گرم پانی کے ساتھ کھلائیں

خارش، جلن یا چبھن:

اگر آپ کو جسم میں خارش, جلن یا پھر چبھن کی شکایت رہتی ہے تو ملتانی مٹی کھانے سے آپکو فرق پڑے گا, کیونکہ اس سے جسم میں ٹھنڈک پہنچتی ہے

یاد رکھیں!

آپ نے دیکھا ہوگا کچھ خواتین اسے بہت شوق سے کھاتی ہیں, یہ یقیناً فائدہ مند ہوتی ہے لیکن اسے ہر وقت یا ضرورت سے زیادہ کھانا نقصان دہ بھی ہے