ہمارے ہاں اکثر خواتین کی گردن پیچھے سے اتنی موٹی ہوتی ہے کہ باقاعدہ الگ سے واضح ہوتی ہے جس کی وجہ سے ان میں احساسِ کم تری بھی پیدا ہوتی ہے کیونکہ گردن ہمارے چہرے سے قریب ہوتی ہے اور اگر کسی کی نگاہ چہرے کی طرف واضح ہو تو گردن پر بھی پڑ ہی جاتی ہے۔ ایسے میں آج ڈاکٹر کے بتائے چند طریقے اور ورزش ہم آپ کو بتانے جا رہے ہیں جن کی مدد سے آپ بھی اپنی موٹی گردن کو دبلا کرسکتے ہیں۔
ٹپس:
٭ روزانہ ایک چمچ زیتون کے تیل میں ایک چمچ نمک ڈال کر اچھی طرح مکس کریں اور اس کو گردن پر لگا کر اچھی طرح مساج کریں اور پھر ایک گرم پٹی یا موٹی درد والی پٹی باندھ لیں اس سے آپ کی یہ چربی بھی ختم ہوگی اور یہاں ہونے والے معمولی درد سے بھی نجات ملے گی۔
٭ دوسرا طریقہ یہ ہے کہ آپ اپنے دونوں ہاتھوں کو اوپر اٹھائیں اور دیوار پر ہاتھوں کو جمالیں، اس کے بعد ان کو تیزی سے ہٹائیں اور کمر کے پیچھے لے کر جائیں، یہ ورزش دن میں 3 مرتبہ لازمی کریں تاکہ گردن میں بھی پسینہ آئے اور چربی پگھلے۔
٭ دونوں ہاتھوں کو گردن کے پچھلے حصے پر رکھیں اور زور دیں، یوں 5 سیکنڈ کے وقفے سے 5 سیکنڈ تک ہی وزن دیں، ایسا کرنے سے چربی پگھلنے کا امکان زیادہ ہوتا ہے۔