پٹھوں میں درد اس وقت ہوتا ہے جب کوئی عضاء غیر ارادی طور پر خود ہی سکڑ جاتا ہے۔ عام طور پر آپ کو درد کے مقام پر ایک سخت گانٹھ محسوس ہوتی ہے، اور اکثر اوقات اتنا شدید درد ہوتا ہے کہ چیخیں نکل جاتی ہیں۔ یہ درد وقتی ہوتا ہے اور اس پر جلدی قابو پا لیا جاتا ہے۔ لیکن یہ کیوں ہوتا ہے اسکی وجوہات کیا ہیں اور اسے ٹھیک کیسے کیا جاسکتا ہے، یہ آج ہم آپکو بتائیں گے۔
وجوہات:
مختلف عمر میں اسکی وجوہات مختلف ہوتی ہیں۔
۔ عام طور پر پٹھوں میں کھچاؤ تھکاوٹ یا ضرورت سے زیادہ کام کرنے کی وجہ سے ہوتا ہے۔
۔ نوجوانوں میں زیادہ کھیلنے کودنے یا بھاری ورزش کرنے کی وجہ سے ایسا ہوتا ہے۔
۔ بچوں میں کیلشیم کی کمی کی وجہ سے ہوتا ہے۔
۔ اسکے علاوہ دھوپ میں زیادہ پھرنا اور پانی کم پینا، جسکی وجہ سے جسم میں نمکیات کی کمی ہوجاتی ہے۔
۔ یا شاید آپ کو کافی الیکٹرولائٹس نہیں مل رہی ہیں، جیسے پوٹاشیم یا میگنیشیم۔ یہ معدنیات آپ کے پٹھوں کو زیادہ آسانی سے کام کرنے میں مدد کرتی ہیں، اور مشروبات آپ کے جسم کو معدنیات پر عمل کرنے میں مدد کرتے ہیں۔
ماہواری میں پٹھے کھچنا:
جب آپ ماہواری میں ہوں تو آپ کے پیٹ، کمر کے نچلے حصے اور رانوں کے ارد گرد تکلیف محسوس ہونا عام بات ہے۔ آپ کی ماہواری کے دوران آپ کے رحم کے پٹھے سکڑ جاتے ہیں اور آپ کو درد کا سامنا کرنا پڑتا ہے۔ زیادہ شدید درد سے وابستہ کچھ عوامل درج ذیل ہیں۔
ماہواری کا بھاری بہاؤ ہونا، آپ کا پہلا بچہ ہونا، بیس سال کی عمر یا دیر سے ماہواری شروع ہونے کی وجہ سے یا جسم میں ایک قسم کا مرکب جو آپ کے رحم کو متاثر کرتا ہے پروسٹاگلینڈنز کی زیادہ پیداوار یا حساسیت کی وجہ سے۔
تیزی سے ریلیف حاصل کرنے کے لئے چند تجاویز:
۔ ماہواری میں درد والی جگہ پر گرم چیز سے سیخائی کرنا۔
۔ پیر کی نس مڑ جائے یا اس میں کھچاؤ آجائے تو فوری طور پر بیٹھ جائیں یا لیٹ جائیں، پھر ہاتھوں سے ٹانگ کو آہستہ سے اٹھائیں اور اس جگہ کی مساج کریں۔
۔ گرم پانی کی تھیلی جو مارکیٹ سے با آسانی مل جاتی ہے، اسے بھی متاثرہ جگہ پر رکھنے سے آرام آتا ہے۔
۔ پانی کا استعمال زیادہ سے زیادہ کریں اور جسم کو ہائیڈریٹ رکھیں۔
۔ کیلشیم کی کمی کی وجہ سے بھی پٹھوں میں کھچاؤ آجاتا ہے۔ اکثر آدھی رات میں پاؤں کی نس مڑ جاتی ہے اور درد کے مارے آنکھ کھل جاتی ہے، اسکے لیئے رات میں گرم پانی سے نہا کر گرم دودھ پی کر سوئیں۔
۔ ایزنشل آئل بھی پٹھوں کے کھچاؤ کو ٹھیک کرنے کیلیئے بہترین ہوتے ہیں، اسکے مساج سے آپکو فوری فرق محسوس ہوگا۔