خواتین کو اکثر ماہووری کے دوران کئی مشکلوں سے گزرنا پڑتا ہے، ان میں سے سب سے بڑی مشکل ہے ماہواری کا درد، کچھ خواتین کو اس دوران تیز درد ہوتا ہے کہ دوائیاں لینے کے باوجود آرام نہیں ملتا۔
ایسے میں روٹین کام کاج بھی متاثر ہوتا ہے، اور آفس جانے والی خواتین کے لئے بجی یہ بڑا مسئلہ بنتا ہے، ایسے میں آج ہم آپ کے لئے لائے ہیں ماہواری کے درد کو کم کرنے کے کچھ خاص طریقے جن سے دواؤں کے بغیر بھی کچھ حد تک راحت مل سکتی ہے۔
ماہواری کے درد سے نجات کے طریقے
• ماہواری کے درد سے نجات کے لئے سب سے زیادہ اہم اور بہترین طریقہ ہے کہ آپ یوگا اور ورزش کریں اس سے آپ کے جسم کے پٹھوں اور ہڈیوں کو سکون ملتا ہے اور درد کم ہوتا ہے۔
• دوسرا طریقہ ہے کہ پیٹ اور کمر کے نچلے حصے پر پر گرم پانی کی تھیلی رکھیں اور گرم پانی سے نہائیں اس درد میں جلد آرام آ سکتا ہے۔
• اس کے علاوہ ادرک، جاسمین، (چمیلی) اور کیمو مائل (ببونے کا پھول) کی چائے پینے سے بھی درد میں راحت ملتی ہے۔
• نیم گرم تیل سے مساج کرنے سے بھی ماہواری کے درد میں آرام ملتا ہے، اور اینٹھن دور ہوتی ہے، پیٹ کے نچلے حصے میں لیویندر کا تیل لگائیں۔
• اس کے علاوہ اگر ادرک کو چبا لیا جائے اور اس کا عرق پی لیا جائے تو اس سے بھی ماہواری کا درد کم ہوتا ہے۔
• ایسی حالت میں پانی زیادہ سے زیادہ پینا چاہیئے، آپ اگر ہائیڈریٹ رہیں گی تو پٹھوں میں نمی برقرار رہے گی اور درد نہیں ہوگا۔