روزہ میں بھوک اور پیاس دونوں کا احساس ہوتا ہے مگر بھوک کنٹرول ہوجاتی ہے لیکن پیاس کے مارے برا حال ہورہا ہوتا ہے۔
کیا آپ کے ساتھ بھی ایسا ہی ہے؟ تو آج جانیں کچھ ایسی ٹپ جن کا استعمال آپ کی پیاس کی شدت کو کم اور آپ کو دن بھر سکون دے سکتی ہیں۔
٭ سحری میں کچی لسی یا دودھ میں الائچی پاؤڈر ڈال کر پینے سے پانی کی پیاس کنٹرول ہوجاتی ہے اور آپ کو راحت ملتی رہتی ہے۔
٭ سحری میں کم از کم پانچ گلاس وقفے وقفے سے ضرور پئیں۔
٭ سحر و افطار دونوں میں کھیرے کا استعمال بڑھا دیں۔
٭ دلیے میں کیلا اور شہد ڈال کر استعمال کریں یہ غذائیت سے بھرپور بھی ہے اور پیاس کو کنٹرول رکھنے میں فائدہ مند بھی ہے۔
٭ چائے اور کافی کا زیادہ استعمال نہ کریں البتہ گرین ٹی کو لیموں کے ساتھ استعمال کریں۔
٭ سافٹ ڈرنک اور بازاری مشروبات پینے سے بہتر ہے کہ پھلوں کے تازہ مشروبات کو سحر اور افطار میں استعمال کریں۔