رنبیر کپور اور عالیہ بھٹ کی شادی کو ابھی کچھ ہی ماہ ہوئے تھے کہ ننھے مہمان کے آنے کی خبر سوشل میڈیا پر ایسے وائرل ہوئی کہ لوگوں کی آنکھیں کھلی رہ گئیں۔ مگر اس سے بھی زیادہ اب ایک خبر سوشل میڈیا کی زینت بن رہی ہے وہ رنبیر کا حالیہ انٹرویو ہے جس میں وہ اپنی زندگی کے کچھ سچ بتاتے ہوئے کہہ رہے ہیں:
"
میرے ہاں جڑواں بچے پیدا ہونے والے ہیں۔
"
یہ سن کر انسٹاگرام، فیس بُک اور دیگر سماجی ویب سائٹس پر مداح کمنٹ کرتے ہوئے کہہ رہے ہیں کہ ایک ساتھ انہوں نے ڈھیر ساری خوشیاں سیمٹ لی ہیں۔
لیکن اس بات پر حیرانی کا اظہار کیا جا رہا ہے کہ اتنی جلدی ان کو کیسے معلوم کے جڑواں بچے ہونے والے ہیں کیونکہ یہ تصدیق تو ڈاکٹر حمل کے 4 یا 5ویں ماہ میں کرتے ہیں۔
رنبیر کپور اپنی نئی آنے والی فلم شمشیرا میں مرکزی کردار ادا کر رہے ہیں۔ انہوں نے اسی فلم کے پریمیئر پر اینکر سے بات کرتے ہوئے اپنی زندگی کے 2 سچ اور 1 جھوٹ بتاتے ہوئے کہا کہ:
"
میرے ہاں جڑواں بچوں کی پیدائش ہونے والی ہے، میں ایک بڑی افسانوی فلم کا حصہ بننے جا رہا ہوں۔ اور میں کام سے ایک لمبا وقفہ لینے والا ہوں۔"
لیکن اب دیکھنا یہ ہے کہ جڑواں بچوں والی بات سچ ہے یا جھوٹ؟ کیا واقعہ رنبیر کسی افسانوی فلم کی بات کر رہے ہیں۔