|
جب میں غریبوں کی فریاد سنتی ہوں
بھوکے پیٹ گڑگڑا کر ہاتھ پھیلانا، کچرے میں پڑے کھانے پر لپکنا۔۔
یہ مناظر میرے دل میں سوئی کی طرح چبھتے ہیں۔
میرے این جی او " غربت بھگاؤ " کا مقصد غربت کا خاتمہ ہے۔۔۔
روبینہ پُر جوش انداز میں خطاب کر رہی تھی ،
افتتاحی تقریب کا اختتام ہوا
وہ باہر کھڑی سب کو الوادع کر رہی تھی کہ اچانک آواز آئی
اﷲ کے نام پر دے دو۔۔ دو دن سے میرے بچے بھوکے ہیں
روبینہ نے ترس کھاتی نظروں سے بچوں کو دیکھا اور کہا۔۔۔
معاف کرو بابا! |