|
جب آپ کسی دوسرے ملک جانے کا ارادہ کرتے ہیں تو آپ کے لیے
سب سے زیادہ پریشانی کا باعث وہاں کی ثقافت ہوتی ہے- وہاں کی زبان سے لے کر
طرزِ زندگی تک سب کچھ آپ کو ایک دلچسپ خوف میں مبتلا کردیتا ہے- ایسے مقام
کے مطابق خود کو ڈھالنے میں آپ کو کافی وقت لگتا ہے جہاں نہ آپ کسی کو
جانتے ہوں اور نہ ہی کوئی آپ کو- لیکن آپ کے لیے اب لازم ہوتا ہے کہ آپ خود
کو اس نئے ملک کے ماحول کے مطابق ڈھالیں کیونکہ آپ یہاں کافی رقم خرچ کرنے
کے بعد پہنچے ہوتے ہیں- تاہم اس موقع پر آپ کا واسطہ چند دلچسپ چیزوں سے
ضرور پڑتا ہے جو بظاہر تو پریشانی کا سبب بنتی ہیں لیکن یہ یادگار تجربے کا
باعث بھی ہوتی ہیں-
|
|
|
اگر آپ کسی غیر اسلامی ملک میں رہائش اختیار کرتے ہیں تو آپ کو یہاں سب سے
پہلے ایسے مقامات کی تلاش کرنا ہوتی ہے جہاں کھانے کے لیے حلال اشیاﺀ
دستیاب ہوں- اس موقع پر آپ کو کئی مقامات کے بارے میں جاننے کا موقع بھی
ملتا ہے-
|
|
|
دیگر ممالک میں جا کر آپ کو دیسی کپڑے پہننے میں ہچکچاہٹ محسوس ہوتی ہے
کیونکہ وہاں کے تو ملبوسات ہی الگ ہوتے ہیں۔ ایسے میں اس ملک کے مقامی
افراد کے سامنے خود کو دیسی کپڑوں میں کسی اور ہی دنیا کی مخلوق تصور کرتے
ہیں-
|
|
|
پرائے ملک میں آپ کو دیسی کھانے اور چائے بہت زیادہ یاد آتے ہیں٬ بالخصوص “
ماں کے ہاتھ کا کھانا “- یہ یادیں آپ کا دن نہیں گزرنے دیتیں-
|
|
|
اس وقت آپ انتہائی پرجوش ہوجاتے ہیں جب پردیس میں آپ کو اپنے جیسا ہی کوئی
اپنے ملک کا شہری مل جاتا ہے- اب چاہے آپ اسے جانتے ہوں یا نہ ہوں؟ دوستی
ضرور قائم ہوجاتی ہے-
|
|
|
جب آپ غیر ملک میں کسی کو اردو بولتے ہوئے سنتے ہیں تو آپ عجیب سا احساس
ہوتا ہے جسے لفظوں میں بیان کرنا ناممکن ہے۔
|
|
|
تاہم پورے وقت ایک مشکل آپ کو ضرور گھیرے رکھتی ہے اور وہ ہے آپ کے اپنے
ملک اور پردیسی ملک کے درمیان وقت کا فرق- اس فرق کی وجہ سے آپ کو ہر کام
کا ایک نیا ٹائم ٹیبل ترتیب دینا نہ پڑتا ہے-
|
|
|
اپنے ملک کی آزادی اور آرام کیا ہوتا ہے اس بات کا احساس آپ کو بیرون ملک
جاکر ہوتا ہے کیونکہ وہاں آپ کو اپنے سارے کام خود کرنا پڑتے ہیں-
|
|
|
تنہا ہونے کی وجہ سے پردیس میں آپ دوست بنانے کا کوئی
موقع ہاتھ سے نہیں جانیں دیتے اور اسی وجہ سے اکثر اوقات لوگوں کی جانب سے
کی جانے والی دوستی پیشکش آپ فوراً قبول بھی کر لیتے ہیں-
|
|
|
بیرونِ ملک کئی پریشانیوں اور مسائل کے بعد ایک چیز جو
آپ کو اچھی حاصل ہوتی ہے وہ ہے اس ملک میں رہنے کا تجربہ جو آپ کے نقطہ نظر
کو یکسر تبدیل کردیتا ہے- آپ لوگوں کو مزید آسانی سے سمجھنے لگتے ہیں-
|