پاکستانی میک اپ آرٹسٹ نے باجی راؤ مستانی بن کر سب کو کیا حیران


کچھ عرصہ پہلے پاکستانی میک اپ آرٹسٹ شعیب خان نے ملکہ ترنم نور جہاں میں خود کو ٹرانسفارم کرکے دنیا کو حیران کردیا تھا۔۔۔لیکن ان کا نیا کارنامہ لوگوں کے لئے شدید حیرت کا باعث ہے۔۔۔ انہوں نے اپنے انسٹا گرام پر خود کو دیپیکا پاڈیکون کے روپ میں ٹرانسفارم کیا اور اس کے لئے انہوں نے دیپیکا کا باجی راؤ مستانی والا انداز منتخب کیا۔۔

پاکستان میں کچھ ایسے میک اپ آرٹسٹ ہیں جو نا صرف با صلاحیت ہیں بلکہ ان میں کچھ کردکھانے کا جذبہ موجود ہیں اور ان کی تخلیقی صلاحیتوں پر رشک ہوتا ہے۔۔۔

انہوں نے بالی وڈ کی اس خوبصورت اداکارہ کے روپ میں خود کو ڈھال کر ایک بہت ہی لمبا چوڑا تعارف بھی لکھا اور اس میں بتایا کہ وہ کتنا کنفیوز تھے اس چہرے میں خود کو بدلتے ہوئے ۔۔۔کہ کیا وہ اس حسن کے ساتھ انصاف بھی کر پائیں گے۔۔۔
 


وہ دیپیکا کے حسن اور ذہانت دونوں سے شدید متاثر ہیں اور ان کا کہنا ہے کہ وہ ہمیشہ کسی بھی میک اپ سے پہلے اوور کونفیڈینٹ ہوتے ہیں لیکن یہ وہ روپ تھا جس میں خود کو ڈھالنے سے پہلے وہ بہت کنفیوز تھے۔۔۔

انہوں نے کہا کہ میک اپ آرٹسٹ بننے کے اس سفر میں انہوں نے معاشرے کا بہت دباؤ دیکھا، اتار چڑھاؤ دیکھے۔۔۔اور جس انڈسٹری میں ہر قدم پر اگر مگر ہو وہاں آپ ان لوگوں کو تلاش کرتے ہیں جن سے متاثر ہوکر ہمت حاصل کی جاسکے۔۔۔

اپنے سفر میں مجھے بہت سارے مینٹور ملے اور میں ان سے خوش قسمتی سے ملا بھی اور متاثر بھی ہوا۔۔۔لیکن ایک ایسا شخص تھا جس کا میرے دماغ اور میری روح پر بہت گہرا اثر ہے اور وہ ہیں دیپیکا پاڈیکون۔۔۔جن سے مجھے ملنے کا کبھی کوئی اتفاق نہیں ہوا۔۔۔

میں نے ان کے اس روپ میں آنے کے لئے بہت تحقیق کی۔۔۔ہر رات میں بہت توجہ سے ان کے کئی انداز کو دیکھتا اور پھر بھی ہمت نہیں کر پاتا کہ ان کی اس سحر انگیز لک کو کرپاؤں۔۔۔لیکن ایک رات میں نے ان کی ایک ویڈیو دیکھی جس میں وہ ایک بہت ہی خوبصورت جملہ کہہ رہی تھیں کہ میرے لئے جسم اور روح ایک ہیں۔۔۔
 


وہ ایک لمحہ تھا جب میں نے محسوس کیا کہ یہی وہ بات ہے جو مجھے ایک بہترین میک اوور کرواسکتی ہے۔۔۔

انہوں نے کہا کہ میں امید کرتا ہوں کہ میں نے اس ذہین اور حسین چہرے کے میک اوور میں انصاف کیا ہو۔۔۔اور یہ بھی کہا کہ یہ میری طرف سے بالی ووڈ کی ملکہ کے لئے ہے اور مجھے امید ہے کہ یہ جب آپ تک پہنچے تو آپ اسے دیکھ کر خوش ہوں۔۔۔

شکریہ مجھ سے ملے بغیر ہی مجھے ایک بہتر انسان بنانے کے لئے۔۔۔اس قسم کا اثر ہے آپ کا اپنے فینز پر۔۔۔

اس کمال کے میک اپ آرٹسٹ شعیب نے کئی بار لوگوں کو اپنے اس ٹیلنٹ سے حیران کیا ہے اور اس بار باجی راؤ مستانی بن کر انہوں نے ثابت کیا ہے کہ ’’ہم سا ہو تو سامنے آئے ‘‘

Rate it:
Share Comments Post Comments
Total Views: 1130 Print Article Print
 Previous
NEXT 

YOU MAY ALSO LIKE:

Comments

آپ کی رائے
Language: