صنم جنگ کی ایکسرسائز، موٹاپے سے فٹنس تک کا سفر


یوں تو پاکستانی سلیبریٹیز اپنے وزن کم کرنے کی مثالیں قائم کرتے ہی رہتے ہیں لیکن مارننگ شو میں میزبانی کرنے والی ہر دلعزیز صنم جنگ نے تو لوگوں کو حیران کرنے میں کوئی کثر نہیں چھوڑی۔۔۔اپنے شو کے دوران وزن بڑھ جانے کی وجہ سے وہ سوشل میڈیٰا پر اکثر لوگوں کے مذاق کا نشانہ بنتیں۔۔۔ان کا دل ٹوٹ گیا تھا اور وہ شرمندگی میں شو کے دوران صوفے کے پیچھے کھڑی ہوجاتی تھیں تاکہ ان کا وزن لوگوں کی نظروں سے چھپا رہے۔۔۔

اس تکلیف دہ وقت کے دوران ہم ٹی وی کی سی ای او سلطانہ صدیقی نے انہیں بہت سپورٹ کیا اور ہمیشہ یہی کہا کہ ہمیں تمہارے ٹیلنٹ سے غرض ہے اور لوگوں کی پرواہ کرنا چھوڑ دو۔۔۔ساتھ ہی ان کے شوہر قسام جعفری نے بھی انہیں ہمیشہ حوصلہ دیا اور ان کی ہمت بڑھائی۔۔۔
 


پھر صنم جنگ نے بیٹی کی پیدائش کے کچھ عرصے بعد اپنے موٹاپے سے جنگ کا آغاز کیا اور 2017 میں ان کے ٹرینر شعیب خان نے ان پر محنت شروع کیا۔۔۔صنم جنگ کے کھانے سے لے کر ان کے ایکسرسائز تک ایک بہت محنت بھرا سفر رہا۔۔۔اور اس عرصے کے دوارن انہوں نے ساڑھے سترہ کلو وزن کم کیا۔۔۔

صنم جنگ نے سب سے پہلے اپنے کھانے وہ چیزیں شامل کیں جو صحت کے لئے ضروری ہیں اور وہ چیزیں نکال دیں جو صرف اور صرف وزن بڑھانے کے کام آتی ہیں۔۔۔ساتھ ہی ان کی ایکسرسائز کی ویڈیوز اکثر و بیشتر سامنے آجاتیں ۔۔۔جن میں کبھی وہ اسکواٹس کرتی نظر آتیں تو کبھی سیڑھیوں پر اترتی چڑھتی۔۔۔ان کو اپنے ٹرینر سے ڈر لگتا تھا کہ اگر انہوں نے ذرا سا بھی کچھ ایکسٹرا کھا لیا تو آج وہ ڈبل ایکسرسائز کروائے گا۔۔۔
 


حال ہی میں صنم جنگ نے اپنی ایک ویڈیو انسٹا پر ڈالی ہے جس میں وہ وزنی ٹائرز سے بھرا بکسہ اپنے ہاتھوں سے گھسیٹ رہی ہیں اور ان کے چہرے پر شدید تکلیف او مشکل کے آثار نمایاں ہیں۔۔۔لوگوں نے اندازہ لگالیا کہ صنم جنگ وزن کم کرنے کے بعد بھی فٹنس کے اس سفر کو بھولی نہیں ہیں بلکہ انہوں نے اسے اپنا لائف اسٹائل بنا لیا ہے۔۔۔

ہم ٹی وی پر آنے والے ڈرامہ ’’میں نا جانوں ‘‘ میں کئی جگہ وہ بہت کم وزن اور کئی جگہ وہ تھوڑے سے زیادہ وزن کے ساتھ نظر آئیں۔۔۔لیکن جو ساڑھے سترہ کلو وزن اپنی ہمت اور محنت سے کم کرسکتی ہیں وہ اپنے لائف اسٹائل کی ہر مشکل کو ہرا سکتی ہیں۔۔۔

Rate it:
Share Comments Post Comments
Total Views: 1405 Print Article Print
 Previous
NEXT 

YOU MAY ALSO LIKE:

Most Viewed (Last 30 Days | All Time)

Comments

آپ کی رائے
Language: