میری بیوی مجھ سے زیادہ اچھی اداکارہ ہے۔۔۔پاکستانی سلیبریٹیز اپنی بیویوں کے کام سے خوش

آئزہ خان اور دانش تیمور
ایک طرف بیگم کی اداکاری نے ڈراموں کی دنیا میں دھاک بٹھائی ہے تو دوسری طرف میاں نے فلم انڈسٹری میں خود کو منوایا ہے۔۔۔یہ دونوں میاں بیوی شادی سے پہلے بھی اسی فیلڈ سے وابستہ تھے اور شادی کے بعد بھی ایک دوسرے کو ہر طرح سے سپورٹ دیتے ہیں۔۔۔ایک دوسرے کی شہرت میں بھی جب چار چاند لگتے ہیں تو دونوں مل کر اسے سیلیبریٹ کرتے ہیں۔۔۔

حرا اور مانی
اس جوڑی میں بیگم نے شادی اور بچوں کے بعد ہی انڈسٹری میں کام شروع کیا جبکہ میاں بہت کم عمری سے ہی اسکرین پر اپنا جادو جگا رہے تھے۔۔۔یہ اور بات ہے کہ میاں خود یہ کہتے ہیں میری بیوی مجھ سے زیادہ اچھی اداکارہ ہے۔۔۔ان کی اس بات سے لوگ اکثر یہ سوال بھی کرتے ہیں کہ کہیں مانی اپنی بیگم کی شہرت سے جلتے تو نہیں، لیکن انہوں نے صاف کہا کہ میں نے خود حرا کو کہا تھا کہ وہ یہ کام کرے اور میں ہر طرح سے اس کے ساتھ کھڑا ہوں۔۔۔

عروہ اور فرحان
یہ جوڑی بھی انڈسٹری میں خود کو منوانے کے بعد ایک ہوئی اور اس جوڑی میں دونوں ہی ایک دوسرے کے لئے بہت بڑی سپورٹ ہیں۔۔۔فرحان نے ڈرامہ انڈسٹری میں تو عروہ نے فلمز میں جگہ بنائی۔۔۔

سائرہ اور شہروز سبزواری
اس پیاری سی جوڑی کو لوگوں نے ہمیشہ نا صرف پسند کیا بلکہ آج کل ان سے جڑی خبروں پر بھی انہیں ہمیشہ ساتھ رہنے کی دعائیں دیں۔۔۔دونوں ہی ایک دوسرے کے لئے ہمیشہ ساتھ کھڑے رہے۔۔۔شہروز سبزواری نے جب سید نور کی فلم میں کام کرکے بہت منفی اور ناکامی کے حوالے سے شہرت حاصل کی تو اس وقت بھی سائرہ نے شہروز کا ساتھ نہیں چھوڑا بلکہ انہیں ایک بہترین اداکار ہی مانا۔۔۔

سنیتا مارشل اور حسن
سنیتا اور حسن کی محبت کی شادی تھی اوراس شادی کو کامیاب بنانے میں سنیتا مارشل کی پذیرائی کا بھی بہت ہاتھ ہے جو انہوں نے قدم قدم پر اپنے شوہر کو دی۔۔۔اور ہمیشہ یہی کہا کہ یہ مت سوچو کہ میں ہیرو ہی بنوں گا۔۔۔بلکہ ہر کردار میں بس اداکاری کو ہی اپنی پہچان بناؤ۔۔۔ان دونوں نے ایک دوسرے کو ہمیشہ مشکل اور آسان دونوں لمحات میں سپورٹ کیا