چھوٹے بال لیکن دکھتی ہیں پھر بھی سب سے کمال۔۔۔شوبز کی حسینائیں جن کی زلفیں مختصر لیکن کامیابیاں طویل

کون جیتا ہے تیری زلف کے سر ہونے تک
شاعری ہو یا حسن کی قلابیں ملانے کا موقع۔۔۔خاتون کی زلفوں کو سب سے پہلے سمجھا جاتا ہے اس کے حسن کی ضمانت۔۔۔لیکن انڈسٹری میں کچھ چہرے ایسے بھی ہیں جن کے چھوٹے بالوں نے بھی ان کو آگے بڑھنے سے کبھی نہیں روکا اور کچھ کے لئے تو وہی بنی ان کے منفرد اور خوبصورت دکھنے کا راز

صحیفہ جبار
ماڈل اور اداکارہ صحیفہ جبار کو ان کے چھوٹے بالوں کی وجہ سے ایک زمانے میں کافی تنقید کا نشانہ بھی بنایا گیا۔۔۔انہوں نے اپنے ایک پرانے انٹرویو میں بتایا کہ جب میں نے چھوٹے بالوں کے ساتھ ماڈلنگ شروع کی تو سوشل میڈیا پر میری تصویر کے نیچے خواتین نے مجھے کافی برا بھلا لکھا اور یہ بھی کہا کہ میں آنے والی نسلوں کو برباد کر رہی ہوں۔۔۔مجھے لگتا ہے کہ اس طرح کی رائے دینے اور لکھنے والوں کے بچوں پر خود ان کی وجہ سے زیادہ برے اثرات ہوں گے۔۔۔کیونکہ میرے بال کٹوانے سے یہ کہیں سے نہیں ثابت ہوتا کہ میں ایک بری انسان ہوں۔۔۔صحیفہ کے یہ چھوٹے بال ان کو اور خوبصورت اور پراعتماد بناتے ہیں ۔۔۔آج وہ انہی چھوٹے بالوں کے ساتھ بہت ساری برانڈز کے لئے ماڈلنگ بھی کرتی ہیں اور اداکاری بھی-

سائرہ شہروز
چھوٹے بالوں کے ساتھ کیوٹ مسکراہٹ والی سائرہ شہروز کو کبھی بھی ان کی زلفوں کی وجہ سے رکاوٹ نہیں ہوئی بلکہ انہوں نے اپنی شادی سے لے کر ہر ڈرامے اور فلم میں اسی ہیئر کٹ کے ساتھ خود کو منوایا اور کامیابی بھی حاصل کی۔۔۔

میشا شفیع
میشا شفیع نے جس طرح اپنے چھوٹے بالوں کے ساتھا سٹائل اور گریس کو متعارف کروایا وہ بہت کم لوگوں کے لئے ممکن ہے۔۔۔ان پر یہ چھوٹے بال بہت جچتے ہیں

اقراء عزیز
یوں تو اقراء عزیز ہر طرح کے کردار اور بالوں میں خآص لگتی ہیں اور آج کل ان کی شہرت میں شادی کے بعد مزید چار چاند لگ گئے ہیں لیکن سچ تو یہ ہے کہ وہ اپنے چھوٹے بالوں کی وجہ سے مزید اسٹائلش اور چھوٹی لگتی ہیں-

اشنا شاہ
اشنا شاہ چاہے منفی کردار کریں یا مثبت ان کے بالوں کی چمک ، ان کی شخصیت کو بھی نکھار دیتی ہے۔۔ان کی زلفیں بھی بہت دراز نہیں بلکہ درمیانی ہیں اور یہی انہیں خوبصورت دکھاتی ہیں-