|
شوبز میں آنے والے اداکار اپنی اچھی صورت کے ساتھ ساتھ اپنی کسی ایک ادا یا
اپنی کسی منفرد خصوصیت کی وجہ سے بھی دنیا کی نظروں میں آگے آجاتے ہیں۔۔۔سب
سے زیادہ نمایاں ہونے والا چہرے پر موجود تل ہوتا ہے جو اگر چہرے پر جچ
جائے تو پھر کچھ اور نہیں بھاتا۔۔۔انڈسٹری میں ایسے کئی چہرے اپنے دور کے
نامور ستارے رہے ہیں جن کے چہرے پر کوئی ایک تل ہمیشہ رہا اور وہ اسکے ساتھ
اپنے کام کو آگے بڑھاتے رہے اور نام کماتے رہے۔۔۔اور کچھ آج بھی اسی تل کے
ساتھ انڈسٹری میں شامل ہوئے ہیں اور یہی ان کی پہچان بھی ہے-
کویتا
فلمسٹار کویتا کی ٹھوڑی کے پاس موجود ایک تل ہمیشہ ان کی ہر فلم میں نظر
آیا۔۔۔وہ تل اصلی تھا یا نقلی یہ ایک سوال ہے لیکن حقیقت تو یہ ہے کہ کویتا
کی خوبصورتی میں یہ تل چار چاند لگا دیتا تھا۔۔۔
|
|
شان شاہد
اداکار شان شاہد کی آنکھوں کے پاس موجود گہرا کالا تل ان کے چہرے کے وقار
کو اور بھی بڑھا دیتا ہے۔۔۔ان کی شخصیت مکمل ہی ا ب اس تل کے ساتھ لگتی
ہے۔۔۔اور وہ ہمیشہ بھلا معلوم ہوتا ہے-
|
|
نیلم منیر
طلسماتی حسن کی مالک نیلم منیر کے ہونٹوں کے اوپر ابھرا ہوا بھورا تل ان کی
شخصیت میں چار چاند لگا دیتا ہے اور ایسا لگتا ہے جیسے اس تل کو نیلم کے
حسین چہرے کی ضرورت تھی۔۔۔انڈسٹری میں بہت کم ایسے چہرے ہیں جو تل کے ساتھ
اتنے خوبصورت لگ سکتے ہیں۔۔۔نیلم منیر کے ہیروئن بننے اور ڈراموں سے فلمز
تک کا سفر طے کرنے میں اس تل کا بھی اہم کردار رہا ہے-
|
|
ثروت گیلانی
اداکارہ اور میزبان ثروت گیلانی آج کل اداکاری کے میدان سے تھوڑا دور ضرور
ہیں لیکن خبروں میں مسلسل نظر آرہی ہیں۔۔۔ان کے منہ پھٹ انداز اور بے ساختہ
کھلے جوابات کی وجہ سے لوگ حیران اور پریشان ہیں۔۔۔لیکن بات اگر ان کے چہرے
کی ہو تو ایک تل ان کے چہرے پر بھی دور سے ہی نظر آجاتا ہے جو ان کی بھنووں
کے اوپر ہے۔۔۔
|
|
انعم فیاض
حال ہی میں ماں بننے والی اداکارہ انعم فیاض کے چہرے پر بھی ایک بہت نمایاں
تل موجود ہے۔۔۔یہ تل ان کی ٹھوڑی پر موجود ہے اور چہرے کو کچھ اور بھی
معصوم بنا دیتا ہے ۔۔۔
|
|
ماورہ حسین
اداکارہ ماورہ بھی اپنے چہرے پر موجود تل کی وجہ سے کافی مشہور ہیں۔۔۔ان کے گال
پر تل ہے جو کبھی کبھی ایسا لگتا ہے کہ بنایا ہے لیکن بارسوخ ذرائع سے پتہ چلا
ہے کہ یہ تل ان کا قدرتی تل ہے اور وہ ان کے چہرے پر کافی اچھا بھی لگتا ہے-
|
|