|
پاکستانی شوبز کے ستارے ایک کام پر تو اکتفا کرتے ہیں نہیں۔۔۔اداکار بھی بن
جاتا ہے گلوکار اور گلوکار بھی آسکتا ہے سیاست میں ۔۔۔لیکن ایک کام جو ہر
کسی کے بس کا نہیں لیکن اس میں صرف شوق ہی کام آتا ہے وہ ہے کوکنگ۔۔۔
جاناں ملک
اداکارہ جاناں ملک کا تعلق لاہور سے ہے اور لاہوریوں کو تو ویسے بھی کھانا
بنانے اور کھانے دونوں کا ہی شوق ہوتا ہے۔۔۔جاناں ملک اکثر اپنے انسٹا پر
اپنی بیکنگ کی تصاویر شیئر کرتی ہیں اور ساتھ ہی وہ باقاعدہ اپنے اس بزنس
پر کام بھی کرتی نظر آتی ہیں۔۔۔وہ نا صرف اچھا کیک بناتی ہیں بلکہ اسے
سجاتی بھی بہترین ہیں
|
|
علی ظفر
گلوکار اور اداکار علی ظفر بھی کھانے کے اور پکانے کے بہت زیادہ شوقین ہیں
اور ناشتے پر ان کا فوکس ہوتا ہے کافی زیادہ۔۔۔آملیٹ تو منٹوں میں بنالیتے
ہیں اور ان کا پسندیدہ ہے آلو کا پراٹھا اور چائے۔۔۔۔اپنے گھر میں انہوں نے
کچن میں ہر طرح کا وہ اہتمام کیا ہے جس کی مدد سے وہ با آسانی کوکنگ کر
سکیں
|
|
سائرہ شہروز
سائرہ شہروز نے تو اپنے ایک انٹرویو میں یہ بتایا بھی کہ انہوں نے کوکنگ کی
باقاعدہ کلاسز لی ہیں اور وہ آگے بھی اسے پروفیشن کے طور پر اپنانا چاہیں
گی کیونکہ کوکنگ کرتے ہوئے انہیں کافی مزہ آتا ہے
|
|
ماہرہ خان
ماہرہ خان زیادہ کوکنگ کرتی تو نہیں لیکن وہ کھانا اچھا بنا لیتی
ہیں۔۔۔انہوں نے ایک شو میں بتایا تھا کہ وہ اپنے بچے کو ایک بڑا ہی خاص
فرینچ ٹوسٹ بنا کر دیتی ہیں۔۔۔جس کی ریسیپی بلال اشرف نے دی تھی۔۔۔اور اس
میں وہ چینی کی جگہ شہد ڈالتی ہیں۔۔۔
|
|
اقرار الحسن
اقرار الحسن یوں تو کافی سچے اور کھرے انسان ہیں لیکن اکثر وہ اپنی یہ
قابلیت چھپا جاتے ہیں کہ وہ کوکنگ بھی بہترین کر سکتے ہیں۔۔۔انہوں نے باتوں
باتوں میں ہی ایک شو میں بتایا کہ وہ بہترین بینگن کا برتا بناتے
ہیں۔۔۔یعنی وہ چیزیں جو اکثر خواتین بھی اچھی نہیں بناتیں، اقرار کے لئے
چٹکیوں کا کھیل ہے
|
|
فرحان سعید
یوں تو فرحان سعید نے ایک کیفے بھی لاہور میں کھولا تھا جہاں انڈر گراؤنڈ
بینڈز کی پرفارمنس بھی ہوتی تھی لیکن ساتھ ہی وہ خود بھی بہت اچھی کوکنگ
کرتے ہیں۔۔۔اور اکثر اپنی بیگم کے لئے نئی نئی طرح کے ناشتے تیار کرتے ہی
رہتے ہیں۔۔۔عروہ نے ایک ویڈیو بھی شیئر کی تھی سوشل میڈیا پر جہاں فرحان ان
کے لئے مہارت سے ناشتہ بنانے میں مصروف تھے
|
|