|
مارننگ شوز پر جب بھی تنقید کی جاتی ہے تو اس میں سب سے پہلے یہی الزام آتا
ہے کہ ان کے پاس شادیاں کرنے کے سوا کچھ بچا نہیں تھا۔۔۔بار بار سلیبریٹیز
اپنی شادی کے بعد کئی بار مارننگ شوز میں جاکر دلہا دلہن بن جاتے اور پھر
ان کی زندگی کپڑوں، رسموں اور شاندار اینٹریز میں ہی گم ہوجاتی۔۔۔لوگ تھک
جاتے تھے انہیں اس طرح دلہا اور دلہن کے روپ میں دیکھ کر لیکن یہ شوبز
ستارے پیسوں کی خاطر سب کچھ بھول کر ہر رسم کرنے کے لئے بیٹھ جاتے
جان ریمبو اور صاحبہ
ڈاکٹر شائستہ لودھی کے شو میں جب شادیوں کا آغاز ہوا تو یہ جوڑی سب سے پہلی
تھی جسے دلہا اور دلہن بنایا گیا۔۔۔کیونکہ عوام نے یہ شادی دیکھی نہیں تھی
اس لئے پہلی بار نا صرف مارننگ شو کے اس کونسیپٹ کو سراہا گیا بلکہ اس شادی
شدہ جوڑی کو بھی اس نئے اور خوبصورت انداز میں پسند کیا گیا۔۔۔لیکن پھر یہ
جوڑی کئی بار شوز میں دلہا اور دلہن بن کر بیٹھی اور پھر اپنا معیار کھوتی
چلی گئی۔۔۔بار بار وہی ساس کے ڈرامے، ریمبو اور صاحبہ کی محبت کی کہانی اور
شادی کی رسومات دیکھ کر عوام کا دل بھی بھر گیا۔۔۔اس لئے عوام نے اس جوڑی
کو سراسر مسترد کردیا اس روپ میں
|
|
فاطمہ آفندی اور کنور ارسلان
یہ وہ شوبز جوڑی تھی جو تھوڑے درمیانے پیسوں میں اپنی کم عمری کے ساتھ
مارننگ شو کے حساب سے بہترین تھی لیکن کب تک؟ندا یاسر نے اپنے شو میں تین
سے چار بار انہیں دلہن بنایا۔۔۔پھر ایک بار تو اتنی شاندار شادی کی کہ اصلی
شادی میں بھی فاطمہ اور کنور نے اتنا ہنگامہ نہیں دیکھا ہوگا۔۔۔دونوں ہی
پیسوں کا طے کرنے کے بعد دلہا دلہن کے روپ میں مارننگ شوز کی زینت بن
جاتے۔۔۔پھر وہی رسمیں اور وہی باتیں۔۔۔کچھ نیا بچا ہی نہیں تھا
|
|
جویریہ سعود اور سعود
جیو ٹی وی نے پہلے ان سے شادی ویک کے لئے دو ہفتے مانگے لیکن جب لوگوں نے
دیکھنا شروع کیا تو تین ہفتے پر کھینچ دیا۔۔۔پھر کیا تھا ۔۔۔لوگ ایسا تھکے
ان کی شادی سے کہ ریٹنگز ہی گرا دیں۔۔۔جویریہ اور سعود کی شادی بار بار
دیکھنے والے صرف وہی لوگ ہوں گے جن کے پاس شاید دنیا میں سب سے زیادہ فارغ
وقت ہوگا۔۔۔کیونکہ وہ ہزاروں شوز میں اپنی ساری کہانیاں سو سو بار سنا چکے
ہیں۔۔۔پھر دلہن بن کر وہی رونا دھونا جو پتہ نہیں کس طرح بار بار کرلیا
جاتا ہے۔۔۔مارننگ شوز میں لوگوں کے تنگ آجانے کی وجہ ان دونوں کی بارہا آمد
بھی تھی
|
|
صدف عمر اور عمیر لغاری
مارننگ شو میں بلائی جانے والی یہ جوڑی پیسے بھی کم لیتی ہے اور ہر طرح سے
شو میں رنگ بھی جماتی ہے۔۔۔جس طرح کے چاہیں ڈرامے بھی کرلیتی ہے اور ہر طرح
کے گیمز اور رسموں میں بھی کامیاب ہے۔۔۔تو اس جوڑی کو مارننگ شو کے شادی
والے شوز کے لئے بہترین مانا جاتا تھا۔۔۔جو ہر چینل پر کم سے کم تین سے چار
بار دلہا دلہن کی حیثیت سے جاچکے ہیں-
|
|
سعدیہ امام
دلہن بننے کے لئے یہ اداکارہ ہر وقت تیار رہتی ہیں اور کسی بھی مارننگ شو
میں ابٹن، مایوں یا رسموں کے شو پر انہیں دلہن بنا کر بٹھا دیا جاتا ہے اور
یہ وہی سو بار کے دہرائے قصے سنا کر مارننگ شو کی ریٹنگ میں اضافہ کر دیتی
ہیں۔۔۔ان کی اپنی شادی بھی ندا یاسر کے شو سے باقاعدہ دھوم دھام سے ہوئی جس
میں انڈسٹری کے کئی ستارے پیسے لے کر اپنی پرفارمنس دکھا کر گئے-
|
|
نازیہ ملک
میزبان اور اداکارہ نازیہ ملک نے بھی اپنی شادی کا خرچ کچھ اس طرح بچایا کہ
دنیا کو دکھانے والی تقریب کی ڈیل جیو ٹی وی کے مارننگ شو سے کرلی۔۔۔اور
شوہر کے ساتھ باقاعدہ شادی والا ماحول بنا کر شریک ہوئیں۔۔۔وہی مایوں سے لے
کر مہندی، ولیمہ تک ساری تقریبات ہوئیں اور نازیہ ملک نے پیسے بھی لئے اور
شادی کا خرچ بھی بچا لیا-
|
|