فلاحی پتھر کیا ہے؟ ترکی کی ایک مسجد اس اصول کے مطابق سپر مارکیٹ میں کیسے تبدیل ہوگئی؟ جانیں

ریاست مدینہ کو دنیا کی سب سے بہترین فلاحی ریاست قرار دیا جاتا ہے اس ریاست کی سب سے بڑی خوبی یہ تھی کہ اس ریاست میں عوام کی بہتری اور فلاح کے لیے کیے جانے والے اقدامات کیے جاتے تھے- جس کی وجہ سے اس ریاست میں موجود عوام خود کو محفوظ سمجھتی تھی- دنیا میں اس کے بعد قائم کی جانے والی حکومتیں ہر دور میں اسی طرز حکومت کے مطابق ایسے اقدامات کرتی رہی ہیں جو کہ عوام کی بہتری کے لیے ہوں ان حکومتوں میں خلافت راشدہ کی حکومتیں اور ترکی میں قائم کی جانے والی خلافت عثمانیہ بھی شامل ہیں-

خلافت عثمانیہ میں فلاحی پتھر
خلافت عثمانیہ میں غریب لوگوں کی عزت نفس کو برقرار رکھنے کے لیے اور ان کی مدد کرنے کے لیے فلاحی پتھر نصب کیے جاتے تھے جہاں پر مخیر افراد پیسے اور دیگر چیزیں رکھ جایا کرتے تھے اور جن ضرورت مندوں کو ان کی ضرورت ہوتی تھی وہ خاموشی سے آکر یہ چیزیں اٹھا لیتے تھے- اسی نظریہ کے تحت گزشتہ ادوار میں ایران میں دیوار مہربانی بھی فائم کی گئی جہاں سے بھی غریب لوگوں کی مدد کی جاسکتی تھی-
 

اس کے ساتھ انہوں نے مسجد کے داخلی دروازے پر ایک فہرست آویزاں کردی جہاں پر ضرورت مند افراد اپنے نام اور فون نمبر درج کر دیتے ہیں اس کے بعد انتظامیہ ان افراد کے حوالے سے تصدیق کرتی ہے کہ آیا وہ ضرورت مند ہیں یا نہیں- اس کے بعد ضرورت مند افراد کے ساتھ رابطہ کیا جاتا ہے اور ان کو اس بات کی اجازت ہوتی ہے کہ وہ اپنی ضرورت کی کوئی بھی آٹھ اشیا مسجد کے ریکس سے اٹھا کر لے جا سکتے ہیں- اس طرح باری باری ضرورت مند افراد اپنی باری کے مطابق بغیر کسی رقم کی ادائیگی کے ریک پر سے اپنی ضرورت کی اشیا اٹھا لیتے ہیں
 

عبدا الصمد کا اس حوالے سے کہنا ہے کہ روزانہ تقریباً 120 افراد اس سہولت سے فائدہ اٹھاتے ہیں اور اسی طرح روزانہ کی بنیاد پر ان کو مخیر افراد کی جانب سے امداد ملتی ہے اوروہ لوگوں کی مدد کے اس کارخیر کو جاری رکھے ہوۓ ہیں اس طرح ایک جانب تو غریبوں کی مدد ان کی عزت نفس کو برقرار رکھتےہوۓ کی جا رہی ہے اس کے ساتھ ساتھ مسجد کی مرکزيت بھی برقرار ہے-