|
|
|
شوبز میں کام کرنے والے ستاروں پر یہ الزام ہوتا ہے کہ پتہ نہیں اپنے بچوں
کو کیا تربیت دیں گے۔۔۔شاید انہیں کسی اچھی اور نیک بات کا علم تک نا
ہو۔۔۔پتہ نہیں انہیں وقت بھی دیتے ہوں گے یا نہیں۔۔۔صرف شوبز کی بات ہی
ہوتی ہوگی گھر میں۔۔۔لیکن ایسا نہیں ہے۔۔۔۔شوبز کے ستارے اپنے بچوں کی
پرورش میں بہت دھیان دیتے ہیں اور انہیں دینی تعلیم دینے پر بھی کافی زور
دیتے ہیں۔۔۔
فضا علی
فضا علی ایک ماڈل، اداکارہ اور میزبان ہیں۔۔۔ان کی زندگی کی ایک تلخ بات یہ
بھی ہے کہ وہ تنہا اپنی بیٹی کی پرورش کر رہی ہیں۔۔۔اور ان پر دوہری ذمہ
داری ہے۔۔۔ان کی بیٹی فرال ابھی محض پانچ سال کی ہے لیکن اسے بہت ساری
دعائیں یاد ہیں اور فضا اسے نماز بھی پڑھواتی ہیں۔۔۔ننھی فرال فطرتاً ہی
نیک بچی ہے اور وہ اپنی ماں کی ہر بات مانتی ہے۔۔۔ملک اور قوم کے لئے
دعائیں بھی کرتی ہے ۔۔۔
|
|
|
|
احسن خان
احسن خان جب اپنے بچوں کے ساتھ ہوتے ہیں تو پھر وہ کسی دوسری ایکٹیویٹی میں
قدم نہیں رکھتے۔۔۔وہ بہت غور سے اپنے بچوں کی ہر بات کو سنتے ہیں اور غصہ
بھی نہیں کرتے۔۔۔ان کا ماننا ہے کہ وہ اپنے عمل سے بچوں کو دین کی تعلیم
دیتے ہیں۔۔۔آج کل کیونکہ وہ مسلسل گھر پر ہی ہیں تو اپنے بچوں کو قرآنی
کہانیاں سناتے ہیں اور کوشش کرتے ہیں کہ ان کے بچے ان کہانیوں پر عمل بھی
کریں اور کچھ سیکھیں بھی۔۔۔ان کے ساتھ ساتھ وہ خود بھی بچوں سے کہانیاں
سنتے ہیں-
|
|
|
|
افضل خان ریمبو
اداکار افضل خان ریمبو اور صاحبہ کے دو بیٹے ہیں اور ان کے ایک بیٹے نے
قرآن حفظ کیا ہے۔۔۔دونوں نے اپنے گھر کے ماحول میں دینی تعلیم پر ہمیشہ زور
دیا۔۔۔اور وہ ماحول جو دنیاوی ہے اسے گھر کی دہلیز سے دور ہی رکھا۔۔۔اپنے
بچوں کی تربیت اس انداز میں کی کہ ان کی آخرت بھی سنور جائے۔۔۔ریمبو فخر
کرتے ہیں کہ صاحبہ نے مکمل طور پر گھر اور بچوں کو بھرپور وقت دیا اور یہ
دونوں کی محنت کا نتیجہ ہے۔۔۔
|
|
|
|
سعود
اداکار سعود اور جویریہ بھی اپنے بچوں کو نا صرف نعتیں سکھاتے ہیں بلکہ
عمرہ اور حج پر بھی لے کر جاتے ہیں۔۔۔ان کے دل کو ﷲ اور اس کے رسول ﷺ کے
نور سے بھرنے کی ہمیشہ تگ و دو میں رہتے ہیں اور ان کی یہ کوششیں کچھ اس
طرح کامیاب ہیں کہ دونوں کے بچوں میں ان کی اس تربیت کی جھلک نظر بھی آتی
ہے۔۔۔رمضان ٹرانسمیشن میں پچھلے سال پوری فیملی نے قصیدہ بردہ شریف پڑھا
اور لوگوں کی آنکھوں میں آنسو آگئے۔۔۔
|
|
|