میری بیگم ایک ڈرامے کے لاکھوں لیتی ہے۔۔۔شوبز ستاروں کی کماؤ پوت بیویاں

انڈسٹری میں ایسی کئی اداکارائیں ہیں جن کی کمائی سے پورا گھر چل سکتا ہے بلکہ وہ امیر خواتین کی فہرست میں آتی ہیں۔۔۔اکثر کے شوہر بھی میڈیا انڈسٹری میں ہیں لیکن سچ تو یہ ہے کہ ان کی بیگمات کے کمائے جانے والے پیسوں کی دوڑ میں وہ ذرا پیچھے ہیں۔۔۔

مانی کی بیگم حرا
یوں تو حرا کا تعلق میڈیا سے نہیں تھا لیکن شوبز میں وہ شادی کے بعد آئیں اور آتے ہی انہوں نے شہرت اور پیسوں دونوں سے رشتہ جوڑ لیا۔۔۔شوبز میں ان کے آنے سے پہلے ہی مانی کا کمانا کچھ اتنا خاص نہیں تھا۔۔۔لیکن پھر جب بیگم کو ملنا شروع ہوئے ایک کے بعد ایک کمرشلز اور ڈرامے تو جیسے دنیا ہی بدل گئی۔۔۔ایک لائن بولنے کے بھی لاکھوں ملنے لگے۔۔۔سوشل میڈیا سے، ڈراموں سے، کمرشلز سے، میزبانی سے۔۔۔ہر طرف سے حرا کے پاس پیسے آنا شروع ہوئے اور یوں مانی کی بیوی حرا مانی سے بھی زیادہ کماؤ پوت ہیں۔۔۔

فخر کی بیگم ثنا
اداکارہ ثنا تو شروع سے ہی شوبز میں تھیں لیکن شادی کے بعد ان کی گریس میں ہوا اضافہ اور انہوں نے ڈراموں سے اور کمرشلز سے کمانا شروع کیا اور اتنا کمایا کہ دنیا حیران رہ گئی۔۔۔فخر نے کبھی ثنا کو ان کے کام سے نہیں روکا۔۔۔کیونکہ ایک تو ثنا کا ٹیلنٹ ہی کافی ہے لیکن ساتھ ساتھ وہ اس ٹیلنٹ سے اچھا خاصا کماتی ہیں جو انہیں کماؤ پوت بیگم کا ٹائٹل دلواتا ہے۔۔۔

یاسر حسین کی بیگم اقراء
یوں تو اداکار اور میزبان یاسر حسین بھی انڈسٹری میں اچھا خاصا کماتے ہیں لیکن ان کی بیگم اقراء عزیز نے اتنی کم عمری میں ٹاپ کلاس اداکاراؤں میں اپنی جگہ بنالی ہے اور وہ اس بات سے خوب پیسے بھی بنا رہی ہیں۔۔۔وہ ایک انسٹا پوسٹ کے بھی تین سے چار لاکھ لیتی ہیں اور ڈراموں اور کمرشلز کا تو کوئی حساب ہی نہیں۔۔۔ان کی کمائی کا اندازہ تو خود شاید ان کو بھی نہیں اور ان کا مستقبل بھی کافی شاندار ہے۔۔۔

یاسر نواز کی بیگم ندا یاسر
مارننگ شو سے ہر مہینہ قریب چایس لاکھ کمانے کے علاوہ فلم اور دیگر بزنس میں پیسہ لگانے اور کمانے سے اس وقت ندا یاسر کو بہترین کماؤ پوت بیگم کا ٹائٹل دیا جا سکتا ہے۔۔۔یاسر نواز بھی دونوں ہاتھوں سے کما رہے ہیں لیکن جو کمال ندا کے ہاتھوں میں ہے وہ ابھی ان کے پاس نہیں-