لوگوں سے تو ایک بیوی راضی نہیں ہوتی شوبز کے وہ لوگ جنہوں نے دو دو بیویوں کو خوش رکھا ہوا ہے

دنیا کے کئی ممالک ایسے ہیں جہاں پر ایک سے زیادہ شادیاں کرنے کے عمل کو نہ صرف بہت سراہا جاتا ہے بلکہ اس حوالے سے کئی قسم کی سہولیات بھی دی جاتی ہیں- مگر ہمارے ملک میں اگرچہ قانونی طور پر تو یہ جرم نہیں ہے مگر پہلی بیوی کی نظر میں یہ نا قابل معافی جرم ہے اور اس کی سزا عمر قید بامشقت ہوتی ہے اور شوہر تنگ آکر یا تو ایک بیوی کو چھوڑ دیتا ہے یا پھر ساری عمر اپنی اس غلطی کی معافی مانگتا رہتا ہے- مگر ہمارے شوبز میں کچھ ایسے لوگ بھی ہیں جنہوں نے نہ صرف ایک سے زیادہ شادیاں کی ہیں بلکہ انہوں نے اپنی دونوں بیویوں کو بہت خوش بھی رکھا ہے بلکہ ایک بہترین متوازن گھر کی مثال بھی قائم کی-

1: اقرار الحسن
کچھ سال قبل اچانک سوشل میڈیا کے ذریعے یہ بات سامنے آئی کہ اقرار الحسن کی ایک نہیں بلکہ دو بیویاں ہیں اور ان کی پہلی بیوی قرۃ العین ہیں جن سے ان کی شادی 2008 میں ہوئي تھی اور ان سے ان کا ایک بیٹا پہلاج بھی ہے- اس کے بعد یہ خبر سب کو حیران کر دینے والی تھی کہ معروف ٹی وی اینکر فرح بھی اقرار کی بیوی ہیں اس حوالے سے جب گزشتہ سال خبریں نکلیں توآخر کار اقرار کو سب کے سامنے حقیقت رکھنی پڑی- ان کے مطابق فرح سے ان کی شادی کو پانچ سال ہو چکے ہیں اس حوالے سے انہوں نے تفصیلات بتانے سے اجتناب برتتے ہوئے کہا کہ کچھ مشکل حالات میں انہیں یہ فیصلہ کرنا پڑا کہ فرح سے شادی کر لی مگر اس بات کے حوالے سے ان کا یہ کہنا ہے کہ ان کی دونوں بیویوں میں بے مثال محبت ہے اور وہ نہ صرف ایک دوسرے سے ملتی ہیں بلکہ ان میں بہت اچھی دوستی بھی ہے دونوں بیویاں ایک ساتھ گـھومنے جاتی ہیں اور ایک اچھی قابل رشک زندگی گزار رہی ہیں-

2: محمود اسلم
ڈرامے بلبلے کے مشہور کردار محمود صاحب سے تو ساری دنیا ہی واقف ہو گی مگر اس بات سے بہت کم لوگ واقف ہیں کہ حقیقی زندگی میں محمود صاحب ایک نہیں بلکہ دو دو بیویوں کے شوہر ہیں- ان کی پہلی شادی سہگل خاندان سے ہوئی تھی اور ان کی پہلی بیوی کا شوبز سے کوئی تعلق نہیں ہے پہلی شادی سے ان کی ایک بیٹی اور ایک بیٹا بھی ہے جب کہ دوسری شادی ساتھی اداکارہ امبر شاہین سے ہوئی جس سے ان کی دو بیٹیاں ہیں۔ اپنی دونوں بیویوں کے ساتھ کامیاب زندگی گزارنے کے حوالے سے محمود صاحب کا یہ کہنا ہے کہ میری امی نے مجھے اپنے کام خود کرنے سکھائے ہیں اس لیے میں نہ صرف اپنے کام خود کرتا ہوں بلکہ اپنی بیویوں کے لیے ناشتہ بنا کر ان کو کھلاتا ہوں- اس کے علاوہ میں نے ہمیشہ یہ کوشش کی ہے کہ جس فیملی کو جس چیز کی ضرورت ہوتی ہے میں انہیں وہ مہیا کر دیتا ہوں اور اپنا فیصلہ ان پر مسلط نہیں کرتا ہوں-

3: شبیر جان
اداکار شبیر جان کا شمار بھی ان خوش نصیب لوگوں میں ہوتا ہے جو کہ دو دو بیویوں کے ساتھ خوشگوار زندگی گزار رہے ہیں- ان کا اس حوالے سے یہ کہنا تھا کہ ان کی پہلی بیوی کا تعلق ان کے خاندان سے تھا اور اس کا شوبز سے تعلق نہ تھا مگر دوسری شادی کرنے سے قبل انہوں نے باقاعدہ طور پر اپنی پہلی بیوی شمیم سے اجازت طلب کی اور ان کی اجازت ہی سے ساتھی اداکارہ فریدہ سے شادی کی جن سے ان کے اب دو بچے بھی ہیں-