حامد میر کو شرم آنی چاہئے۔۔۔فیروز خان نے کیا اینکر رابعہ انعم کے ڈیجیٹل شو میں غصہ کا اظہار

حال ہی میں رابعہ انعم نے آغاز کیا اپنے نئے یوٹیوب چینل کا۔۔۔جس میں انہوں نے ظفر عباس کا انٹرویو لیا پہلے شو میں اور دوسرا شو انہوں نے مولانا طارق جمیل کے ساتھ اینکرز کی طرف سے کی جانے والی زیادتی کو لے کر کیا۔۔۔انہوں نے مہمان فیروز خان کو بنایا جو کچھ دن قبل ہی اپنے شوبز چھوڑنے کا اعلان کر چکے ہیں ۔۔اور ان کا اور مولانا طارق جمیل کا بہت خاص ایک تعلق بنا ہوا تھا ۔۔۔

فیروز خان نے پرومو میں بہت واضح الفاظ میں کہا کہ حامد میر کو شرم آنی چاہئے کہ انہوں نے مولانا طارق جمیل جیسی ہستی کو معافی مانگنے کے لئے کہا۔۔۔فیروز نے رابعہ انعم سے پوچھا کہ آخر مولانا نے غلط کیا کہا ہے۔۔۔انہوں نے یہی کہا نا کہ ہم لوگ جھوٹ بولتے ہیں۔۔۔تو ہاں یہ سچ ہے کہ ہم جھوٹ بولتے ہیں۔۔۔میں بولتا ہوں جھوٹ۔۔۔مولانا نے کہا کہ ہم بے حیائی پھیلاتے ہیں تو ہاں میں پھیلاتا ہوں بے حیائی۔۔۔مولانا نے کہا کہ ہم دھوکہ دیتے ہیں۔۔۔ہاں میں دیتا ہوں دھوکہ۔۔۔ہم میں سے کامل کون ہے۔۔۔یہ جو حامد میر اور دوسرے اینکر بیٹھے سوال کر رہے تھے کیا ان میں سے کبھی کسی نے جھوٹ نہیں بولا، دھوکہ نہیں دیا۔۔۔جس کا جو دل چاہتا ہے منہ میں آتا ہے بول دیتا ہے۔۔۔ہم فنکار ہیں لوگ ہمیں بیٹھے بیٹھے گالیاں دے دیتے ہیں۔۔۔کوئی ان سے سوال پوچھنے والا نہیں ہے۔۔۔
 

آپ کسی پر انگلی اٹھائیں گے تو تین انگلیاں آپ کی طرف بھی اٹھیں گی۔۔۔اس لئے مولانا طارق جمیل جیسی ہستی کے بارے میں اتنی بدتمیزی کا مظاہرہ سمجھ سے باہر ہے۔۔۔

اس شو میں فیروز خان نے اور بھی بہت کچھ بولا لیکن جس شخص کی ہمت کو داد دینی چاہئے وہ ہیں رابعہ انعم جو اسی مجمع میں سے اٹھی ہیں جہاں سے مولانا طارق جمیل پر انگلیاں اٹھائی گئیں۔۔۔لیکن انہوں نے اس وقت بھی سچ کا ساتھ دیا اور اس بات کی پرواہ نہیں کی کہ نتائج ان کے خلاف بھی ہوسکتے ہیں۔۔۔

رابعہ انعم اس شو میں مزید کچھ ایسے سلیبریٹیز کو سامنے لاسکتی ہیں جن سے پوچھے جانے والے سوالات عوام کے لئے نئے بھی ہوں گے اور ان کے جوابات بھی حیران کن ہوں گے۔۔۔
 

یہ بھی ایک حقیقت ہے کہ جیو ٹی وی پر پچھلے دو سال سے ان کی ٹرانسمیشن ہی آن ائیر ہوئی لیکن اس بار انہیں جیو کا حصہ نہیں بنایا گیا بلکہ جیو کے ہر حصے میں سے وہ نکال ہی دی گئیں۔۔۔لیکن باصلاحیت لوگ خود کو نا صرف منوا لیتے ہیں بلکہ وہ اپنی جگہ خود ہی بنا لیتے ہیں۔۔۔

فیروز خان نے اپنے نئے بزنس کے حوالے سے بھی اس شو میں بتایا ہے اور وہ اس شو میں اپنی ہی کلیکشن کی جینز کو سامنے لائے ہیں۔۔۔دیکھتے ہیں کہ رابعہ انعم شو میں اور کون کونسے سلیبریٹیز اپنے سچ اور جذبات کو سامنے لائیں گے۔۔۔مولانا طارق جمیل کے حق میں اس وقت شوبز کے کئی ستارے ایک ساتھ کھڑے ہوگئے ہیں اور نیوز میں بھی صرف گنے چنے لوگ ہی حامد میر کی صف میں کھڑے ہیں۔۔۔