آٹھ سال برباد کئے اس کے پیچھے اپنی زندگی کے۔۔۔پاکستانی ستارے جن کی محبتیں ناکام ہوئیں

شوبز کی اس چمکتی دنیا میں پیار ، دل لگی اور محبت جیسے جذبات اکثر بہار کی طرح آتے ہیں اور کچھ کی زندگی میں سدا رہتے ہیں اور کچھ کی زندگی میں خزاں بن کر چلے جاتے ہیں۔۔۔پاکستانی انڈسٹری میں ایسے کئی نام ہیں جنہوں نے محبت تو کی لیکن انہیں محبت کی کامیابی دیکھنا نصیب نہیں ہوئی۔۔۔اور یہ رشتہ ٹوٹ گیا۔۔۔

صبا قمر
اداکارہ صبا قمر نے پچھلے دنوں ایک انٹرویو میں بتایا کہ کس طرح انہوں نے ایک بوجھ سے بھرے ہوئے رشتے کو آٹھ سال چلایا۔۔۔اور اپنی زندگی کے قیمتی آٹھ سال اس عہد کو دیئے جو انہوں نے اس وقت کیا جب انہیں یقین تھا کہ یہ محبت ہمیشہ ان کے ساتھ رہے گی۔۔۔لیکن اس محبت کے بوجھ کو دھوتے دھوتے جب آٹھ سال ہوگئے تو اس شخص نے شادی کسی اور سے کرلی اور شادی کے بعد بھی چاہا کہ میں اس کی زندگی میں یوں ہی رہوں۔۔۔تو انسان اپنی غلطیوں سے ہی سیکھتا ہے اور اب ایسی غلطی کبھی نہیں ہوگی۔۔۔صبا قمر کی یہ محبت شوبز ستاروں میں سے ہی کسی کے ساتھ رہی ہے تو اس کا اندازہ لگانا مشکل تو نہیں لیکن سچ تو یہ ہے کہ اتنی بہترین اداکارہ اور انسان کو زندگی میں شامل نا کرنا درحقیقت اس کا نقصان ہے جو زندگی سے چلا گیا۔۔۔

سارہ خان
اداکارہ سارہ خان اپنی بھولی صورت اور بہترین اداکاری سے دلوں پر راج کرتی ہیں۔۔۔ان کی زندگی میں آغا علی کی محبت جب شامل ہوئی تو یوں لگتا تھا کہ اس جوڑی کو اب کوئی جدا نہیں کر سکتا۔۔۔آغا علی نے ایک مارننگ شو میں باقاعدہ اپنی اور سارہ خان کی پسندیدگی کا اعلان بھی کیا اور یہ صاف ظاہر تھا کہ ان دونوں کی جلد ہی شادی ہوجائے گی۔۔۔آغا علی کے انٹرویوز کو سنتے ہوئے یہ اندازہ لگانا مشکل نہیں تھا کہ انہیں ڈیل کرنا اتنا آسان نہیں۔۔۔وہ ایک مشکل شخص ہی نظر آتے تھے۔۔۔سارہ خان نے بھی آغا علی کی محبت میں اس بات کا اقرار شروع کردیا کہ وہ اب ایک عہد میں بندھ چکی ہیں۔۔۔لیکن پھر نظر کہیں یا آنکھوں پر سے پٹی کا ہٹ جانا کہ یہ جوڑی ٹوٹ گئی۔۔۔آغا علی نے اس رشتہ کو ختم کرنے کا سبب یہ بتایا کہ ہم دونوں کی ترجیحات بدل چکی ہیں ۔۔۔اور اب یہ کسی اور ڈگر پر ہیں۔۔۔جبکہ سارہ خان نے اپنی زبان بند ہی رکھی۔۔۔