خود ہیرو ہیں اور بھائی کا نام یاد دلانا پڑتا ہے۔۔۔انڈسٹری کے وہ اداکار جو خود کامیاب ہیں لیکن گھر کے دوسرے افراد تھوڑا پیچھے

شوبز انڈسٹری میں اپنی جگہ بنانے کے لئے بہت محنت کرنی پڑتی ہے، اور اس کے بعد یہ آپ کی قسمت ہے کہ وہ محنت رنگ لے آئے۔۔۔انڈسٹری میں ایسے کئی نام آئے جنہوں نے شہرت کمائی لیکن ان کے گھر کے باقی افراد کے نام بھی یاد دلوانے پڑتے ہیں۔۔۔

سمیع خان اور طیفور

سمیع خان نے جب بھی کام کیا ان کا ڈرامہ نا صرف ہٹ ہوا بلکہ ان کی پہچان بھی بنا۔۔۔لیکن ان کے بھائی طیفور کے کام کو یاد دلانا پڑتا ہے۔۔۔وہ بھی ایک اچھے اداکار ہیں ماڈل ہیں لیکن سمیع خان جیسا نام نہیں بنا پائے۔۔۔سمیع خان اپنے منہ مانگے دام چینلز سے اور پروڈکشن ہاؤس سے مانگتے ہیں لیکن طیفور کو کام بھی مانگنا پڑتا ہے۔۔۔کیونکہ اب بہت سارے نئے چہرے آگئے ہیں جہاں سمیع نے تو جگہ بنا لی لیکن طیفور تھوڑا پیچھے رہ گئے۔۔۔

آغا علی اور علی سکندر

اداکار آغا علی نے بہت کم عرصے میں اپنا وہ نام بنایا کہ انہیں ایک کامیاب ہیرو کے طور پر جانا اور مانا جانے لگا۔۔۔انہوں نے اپنی پہچان اے کلاس اداکاروں میں کروائی اور کامیاب ناموں کے ساتھ ہی خود کو سامنے لائے۔۔۔دوسری طرف علی سکندر نے بھی بہت بہترین کام کیا لیکن ہیرو کا ٹائٹل ان کو نا مل سکا۔۔۔وہ بھی کافی عرصے سے اسکرین پر کام کر رہے ہیں لیکن ان کا امیج وہ نا بن پایا جو آغا علی نے بنایا۔۔۔

سنیتا مارشل اور بنیتا ڈیوڈ

ماڈل اور اداکارہ سنیتا مارشل کو انڈسٹری کے کامیاب ترین ستاروں میں گنا جاتا ہے اور انہوں نے خود کو اس فہرست کا ہی حصہ بنایا جہاں پیسوں، کام اور عزت پر کوئی کمپرومائز نہیں کیا جاتا۔۔۔دوسری طرف ان کی خالہ زاد بہن بنیتا ڈیوڈ نے شروع سے ہی چھوٹے چھوٹے ماڈلنگ کے پراجیکٹس کئے اور اپنی پہچان صرف مارننگ شوز تک ہی رکھ پائیں۔۔۔انہوں نے کوئی بھی ایسا فیشن شو نہیں کیا جس میں ٹاپ پاکستانی ماڈلز شامل ہوں۔۔۔

مہوش حیات اور دانش حیات

اداکارہ مہوش حیات نے پاکستان کو بین الاقوامی سطح پر پہچان دلوائی ارو وہ فلموں اور ڈراموں کے لئے لیڈ ٹاپ اداکاراؤں میں شامل ہیں۔۔۔انہوں نے خود کو اے کلاس ستاروں میں ہی شامل رکھا، لیکن ان کے بھائی دانش حیات نے اچھا کام کرنے کے باوجود کوئی ہیرو والا کردار حاصل نا کیا اور ہی وہ اس لیگ کا حصہ بن پائے۔۔۔نوجوان ہونے کے باوجود ان کے اندر مہوش حیات والا دم نہیں۔۔۔وہ پیچھے رہ گئے۔۔۔