ہنسنے دو لوگوں کو میرے موٹاپے پر۔۔۔شوبز کی وہ اداکارائیں جنہوں نے کامیڈی میں اپنے موٹاپے کا استعمال کیا

دوسروں کو ہنسانے کے لئے کبھی کبھی خود بھی مذاق بننا پڑتا ہے۔۔۔پاکستانی انڈسٹری میں ایسے کئی نام ہیں جنہوں نے اپنے موٹاپے کو مذاق بنایا اور لوگوں میں مقبول بھی ہوئیں۔۔۔

شہناز پرویز
اداکارہ شہناز پرویز انڈسٹری میں کافی عرصہ سے کام کررہی ہیں۔۔۔انہیں انڈسٹری میں آگے لانے والے معین اختر مرحوم تھے اور جب ان کے شوہر کی وفات ہوئی تو معین اختر نے انہیں بہت سپورٹ کیا۔۔۔شہناز پرویز نے ایسے کئی کردار نبھائے جس میں ان کے موٹاپے کو لے کر ہی کردار کو مضحکہ خیز بنایا جاتا۔۔۔لیکن وہ اس خوبی سے اس کردار کو نبھاتیں کہ دیکھنے والوں کو وہ کبھی برا معلوم نہیں ہوتا بلکہ مسکراہٹ چہرے پر آجاتی۔۔۔وہ ایک بہت زندہ دل خاتون ہیں اور اکثر اپنے وزن کو کنٹرول کرنے کی بھی کوشش کرتی ہیں۔۔۔ڈرامہ قدوسی صاحب کی بیوہ میں بھی انہوں نے ایک ایسی بیٹی کا کردار نبھایا جو موٹاپے اور عمر بڑھ جانے کی وجہ سے گھر بیٹی ہے لیکن شادی کے لئے بے قرار ہے۔۔۔ان کے کردار پر ہمیشہ لوگوں کو ہنسی آئی اور انہیں دیکھ کر دل خوش ہوجاتا ہے۔۔۔

غزالہ جاوید
کم عمری میں بیوگی دیکھنے کے باوجود اپنی ہمت اور حوصلے کو جوڑ کر اسکرین پر آنے والی غزالہ جاوید کی زندگی میں بھی معین اختر مرحوم کا کردار بہت زیادہ رہا اور وہ اسکرین پر اپنے جوہر دکھانے میں کامیاب ہوئیں۔۔۔لوگوں کے چہرے پر مسکراہٹ بکھیرنے والی غزالہ جاوید نے اپنے وزن کو نشانہ بنانے والے بھی کئی کردار کئے اور لوگوں کو ہنسایا بھی۔۔۔ایسی بیوی کا کردار جو موٹی ہے لیکن شوہر ان سے ڈرتے ہیں اور کئی شوز میں بھی انہوں نے اس طرح کے کردار کئے۔۔۔غزالہ جاوید کا کہنا ہے کہ وہ اس بات سے اس لئے نہیں گھبراتیں کہ اس سے لوگوں کے چہروں پر اگر کچھ دیر کی خوشی بھی آتی ہے تو وہ ہمیشہ ایسا کام کریں گیں۔۔۔اور دوسری بات ہے ان کی زندگی کی جدو جہد جس کا سلسلہ وہ روکنا نہیں چاہتیں۔۔۔

عروسہ صدیقی
یہ حقیقت ہے کہ عروسہ صدیقی نے اپنا وزن کافی کم کرلیا ہے لیکن سچ تو یہ ہے کہ ان کے فینز انہیں اسی موٹاپے کے ساتھ ہنساتے ہوئے اچھی لگیں۔۔۔انہوں نے کامیڈیٰ ڈرامے میں خواجہ اکمل کی بیٹی کا کردار کیا جو موٹی ہے لیکن اسے ایک اسمارٹ لڑکا پسند ہے ور وہ اس بات سے بے نیاز ہے کہ اس کا وزن زیادہ ہے۔۔۔کھانے پینے کی شوقین ہے اور مست رہتی ہے۔۔۔عروسہ صدیقی اصلی زندگی میں بھی اتنی ہی بے نیاز تھیں لیکن شادی کے وقت انہوں نے خود کو کافی شیپ میں کیا اور بچے کی پیدائش کے بعد بھی انہوں نے اس سلسلے کو روکا نہیں۔۔۔انہوں نے بھی ڈرامہ قدوسی صاحب کی بیوہ میں ایک موٹی بیٹی کا کردار کیا جو کھانے کی بھی شوقین ہے لیکن شادی بھی کرنی ہے اور وزن بھی نہیں کم ہورہا۔۔۔ان کے اس کردار میں لوگوں کی کافی دلچسپی رہی اور لوگ انہیں کافی پسند بھی کرتے ہیں۔۔۔