|
|
ہاں ہاں آپ ایک دوسرے کو چاہیں، اور اس چاہت کے لئے خود کو مٹا دیں لیکن یہ اعلان
سوشل میڈیا کی درو دیوار پر ہر لمحہ اشتہار بن کر دکھانا کیوں ضروری ہے۔۔۔یہ ہم
نہیں کہتے بلکہ وہ لوگ کہتے ہیں جو کچھ شوبز ستاروں کے ہر وقت کے رومانٹک پوسٹس پڑھ
پڑھ کر اور تصاویر دیکھ دیکھ کر اکتا گئے ہیں۔۔۔ |
|
حرا مانی اور مانی |
حرا مانی اور مانی کی گھر میں لاکھ لڑائیاں ہوں۔۔۔لیکن سوشل میڈیا پر دونوں
کی محبت دیکھ کر ایسا لگتا ہے جیسے دنیا میں اس کے سوا کوئی کام نہیں
ہے۔۔۔حرا کیا کھاتی ہے، حرا کیسے سوتی ہے، حرا کتنے بعد ملی ہے، حرا کتنی
مشکل سے ملی ہے۔۔۔یہ ہوتی ہے مانی کی صدائیں اور مرد کتنی پیاری چیز ہے،
مرد کو صرف پیار چاہئے ہوتا ہے، مانی میرا دل اور مانی میری جان۔۔۔یہ ہیں
حرا کی محبت کے پیغامات۔۔۔ان کی رومانٹک تصاویر دیکھ دیکھ کر پبلک کو سمجھ
میں نہیں آتا کہ آخر یہ اظہار گھر میں بھی ہوتا ہے یا صرف دکھانا ضروری ہے۔۔۔ |
|
|
یاسر اور اقراء |
شادی کو زیادہ وقت تو نہیں گزرا لیکن ان کی تصاویر کو ایک زمانہ گزرا ۔۔۔محبت
کے اظہار میں یاسر کا اقراء کے بال سنوارنا تو دکھانا، کھانا بنانا تو
دکھانا، اقراء کا ایک ایک انداز اور یاسر کا ایک ایک اظہار سوشل میڈیا کی
تاریخ میں رقم ہوچکا ہے۔۔۔اور اگر کوئی اس بات پر کوئی کمینٹ کردے تو یاسر
دیتے ہیں اس کا کرارا جواب۔۔۔یعنی میں دکھاؤں گا اور تم کوئی کومینٹ کرنے
کا حق بھی نہیں رکھتے۔۔۔دونوں کی محبت ہمیشہ سلامت رہے لیکن ان کی تصاویر
کا ہر وقت سامنے آنا بھی لوگوں میں اکتاہٹ لے آتا ہے۔۔۔ |
|
|
ثروت اور فہد |
ثروت اور فہد جب بھی اپنے پیار کا اظہار کرتے ہیں تو تنقید کا نشانہ بن
جاتے ہیں۔۔۔سوشل میڈیا پر ان کے لئے انگلیاں اٹھ جاتی ہیں۔۔۔کچھ عرصہ قبل
انہوں نے ایک دوسرے کی بہت ہی بولڈ تصاویر شیئر کیں اور پھر بعد میں شدید
تنقید کا سامنا کیا۔۔۔لیکن ثروت نے ان کے خلاف بولنے والی ہر آواز کو کرارا
جواب بھی دیا۔۔۔سوال یہ ہے کہ جب لوگوں کے کرخت رویوں کا اندازہ ہے تو پبلک
میں لانے کی ضرورت کیا ہے۔۔۔ |
|