سارہ خان کے دولہا فلک شبیر کی زندگی کے ایسے پہلو جن کے بارے میں بہت کم لوگ جانتے ہیں

کرونا وائرس کے سبب ہونے والے لاک ڈاؤن نے جہاں سب کی زندگیوں کو بری طرح متاثر کیا وہیں پر ہمارے شوبز کے لوگوں کے لیے یہ لاک ڈاؤن اس حوالے سے بہت یادگار ثابت ہوا کہ شوبز سے بہت سارے پیار کرنے والے جوڑوں نے اس لاک ڈاؤن میں اپنی دوستی کو شادی کے مضبوط بندھن میں بدلنے کا فیصلہ کیا- ان میں سے کچھ ایسے بھی تھے جنہوں نے لاک ڈاؤن کے اس وقت میں سوچ بچار کے بعد ہانیہ عامر کی طرح بریک اپ کرنے کا بھی فیصلہ کیا ۔

یہ لاک ڈاؤن سارہ خان اور فلک شبیر کے لیے بھی اس حوالے سے یاد گار ثابت ہوا کہ اس میں ان دونوں نے شادی کا فیصلہ کیا- سارہ خان کا فلک شبیر سے شادی کا فیصلہ فلک کو ایک دم سے سب کا فیوریٹ بنا گیا اور لوگ اس بات کے خواہشمند نظر آئے کہ وہ فلک کے متعلق وہ سب جان لیں جو وہ نہیں جانتے- اسی حوالے سے آج ہم آپ کو فلک شبیر بارے میں کچھ ایسی باتیں بتائيں گے جو بہت کم لوگ جانتے ہیں-

ابتدائی زندگی

فلک شبیر کا تعلق لاہور سے ہے ان کی پیدائش کراچی میں 27 دسمبر 1985 میں ہوئی تھی- فلک شبیر کا تعلق ان افراد میں ہوتا ہے جو کہ اپنے خاندان کے بجائے اپنے کام کے سبب اپنی شناخت بنانے پر یقین رکھتے ہیں- یہی سبب ہے کہ میڈیا پر ان کے خاندان کے بارے میں زیادہ معلومات نہیں ملتی ہیں- یہاں تک کہ ان کی شادی کی تقریبات کی بھی اب تک جو تصاویر سامنے آئی ہیں ان میں ان کے خاندان کے لوگ نظر نہیں آئے ہیں-

وجہ شہرت

فلک شبیر کا پہلا سنگل سانگ 2008 میں روگ کے نام سے سامنے آیا تھا جس نے بہت شہرت حاصل کی تھی- اس کے بعد ان کے اگلے گانے تیرا ساتھ ہو کو بھی بہت شہرت ملی تھی- فلک نے پاکستان کے ساتھ ساتھ بالی وڈ کی کئی فلموں میں بھی اپنی آواز کا جادو جگایا ہے- ان کو کنگ آف سول اسٹائل اور مسٹر ان پلگڈ کے نام سے بھی پہچانا جاتا ہے-

فلک شبیر گانے کے ساتھ ساتھ اپنے گانوں کی شاعری بھی خود کرتے ہیں اس کے علاوہ اس کی موسیقی بھی خود دیتے ہیں- ان کا آخری ریلیز سانگ خیراں سوہنیا ہے جس کی شاعری اور کمپوزیشن بھی فلک کی ہی ہے-

پسندیدہ چیزیں

فلک شبیر فارغ وقت اپنے گٹار کے ساتھ گزارنا پسند کرتے ہیں ان کی پسندیدہ گلوکارہ عابدہ پروین ہیں اور کھانے میں انہیں پنیر تکہ اور نوڈلز پسند ہیں-

سارہ خان کے ساتھ تعلق

سارہ خان کا نام آغا علی کے ساتھ ایک طویل عرصے تک جڑا رہا اس کے بعد بریک اپ کے بعد سارہ نے اگرچہ شوبز کے سب لوگوں کو اس بات کا عندیہ تو دے دیا تھا کہ وہ جلد شادی کر لیں گی- مگر انہوں نے اس بات کو صیغہ راز میں رکھا کہ وہ کس سے شادی کریں گی ۔ سارہ کا شمار بھی شوبز کی ان اداکاراؤں میں ہوتا ہے جو کہ کبھی بھی ایسا لباس نہیں پہنتی ہیں جو کہ عریانیت کو ظاہر کرے اور اس کے علاوہ فلموں میں بھی کام کرنے کے حق میں نہیں ہیں- اس حوالے سے سارہ اور فلک دونوں کی جوڑی ایک ایسی جوڑی ہے جو کہ اچھے کام پر یقین رکھتے ہیں مگر فطری طور پر قدامت پرست ہیں-

< Previous صبح سو کر اٹھے تو پتہ چلا کہ کل شادی ہے۔۔۔شوبز کے چٹ منگنی پٹ بیاہ NEXT > ہم صرف اچھے دوست ہیں۔۔۔شوبز کی وہ جوڑیاں جن کو دیکھ کر لگتا تھا کہ یہ شادی کریں گے