|
|
پردیسی ادکاراؤں سے متاثر ہونا کوئی انوکھی بات نہیں اور ان کا پاکستانی اسکرین پر
کام کرنا بھی کوئی نیا نہیں ہے۔۔۔آج اسریٰ بیلجک یعنی ارطغرل کی حسینہ حلیمہ سلطان
کو ایک موبائل کمپنی نے اپنے اشتہار میں لیا تو ہر طرف سے آوزیں اٹھیں لیکن یہ پہلی
بار تو نہیں۔۔۔آج اداکار خاص طور پر یاسر حسین اور شان دیگر ممالک کے ٹیلنٹ کے کام
کرنے پر آواز اٹھارہے ہیں لیکن ایک دور تھا جب دوسرے ممالک سے کام کرنے والوں کو
فخر کے ساتھ لیا جاتا تھا۔۔۔ |
|
شاہ پارہ |
شاہ پارہ ایک ایرانی ادکارہ تھیں اور انہوں نے اداکار محمد علی کے ساتھ فلم
ــ’’جان پہچان‘‘میں ہیروئن کا کردار نبھایا اور وہ اتنی حسین تھیں کہ آڈینس
ان کے حسن کی دیوانی ہوگئی تھی لیکن وہ پاکستان میں اپنے کیرئیر کو فروغ نا
دے پائیں اور واپس اپنے ملک بھی چلی گئیں۔۔۔ |
|
|
نازن سانچی |
ترکی سے تعلق رکھنے والی خوبصورت اداکارہ نازن سانچی اپنے ملک کا ایک بہت
بڑا نام تھا اور انہیں پاکستان سے فلموں میں کام کرنے کی آفر ہوئی تو انہوں
نے ٹھکرایا نہیں بلکہ یہاں کی ثقافت میں ڈھل کر چار کامیاب فلمیں بھی
کیں۔۔۔جن میں تلاش، بدلا، منیلا کی بجلیاں، ہلچل جیسے نام شامل ہیں۔۔۔انہوں
نے ندیم اور جاوید شیخ کے ساتھ زیادہ کام کیا اور ان کو بھی یہاں کافی شہرت
اور پیار ملا۔۔۔ |
|
|
ڈیانا کرسٹینا |
انڈونیشیا سے تعلق رکھنے والا نام ڈیانا کرسٹینا نے پاکستانی مشہور فلم ’’بندش‘‘
میں ندیم اور شبنم کے ساتھ کام کیا اور وہ فلمسٹار ندیم کی دوسری بیوی کے
روپ میں سامنے آئیں۔۔۔انہوں نے اپنا ڈریسنگ اسٹائل بھی نہیں بدلا اور
پاکستانیوں کے لئے وہ خاصا بولڈ بھی تھا اس دور میں لیکن ان کی پرفارمنس کے
آگے سب کچھ ختم ہوگیا۔۔۔انہوں نے پاکستان کے دو بڑے ناموں کے سامنے اپنے
کام سے خود کو منوایا۔۔ |
|
|
سشما شاہی |
نیپال سے تعلق رکھنے والی سشما شاہی نے بھی پاکستانی فلموں میں اپنی
اداکاری کا جادو دکھایا۔۔۔ان کی مشہور فلموں میں بھابھی دیاں چوڑیاں، من کو
باندھ، زمین اور آسمان شامل ہیں اور وہ اپنے دور کی کامیاب ترین اداکاروں
میں سے ایک تھیں۔۔۔ |
|