|
|
حق مہر ایک لڑکی کا شرعی حق ہے اور نکاح کے وقت اس کی اہمیت کا اندازہ ہوتا
ہے۔۔۔شوبز میں بھی ایسے بہت سارے ستارے ہیں جنہوں نے اپنا حق مہر مختلف انداز میں
رکھوایا۔۔۔کسی نے پیسوں کی زیادتی کے ساتھ تو کسی نے بالکل ہی بدل ڈالا سوچ کا
انداز۔۔۔ |
|
ایمان علی کا حق مہر |
ماڈل اور اداکارہ ایمان علی کی شادی کے موقع پر ان کے والدین دونوں ہی
موجود تھے اور اس گھر کی یہ پہلی شادی تھی۔۔۔ایمان علی اپنی شادی کے موقع
پر کافی خوش نظر آئیں اور نکاح کے وقت اندازہ ہوا کہ لڑکے والے بھی انہیں
اپنا کر بہت خوش ہیں۔۔۔ایمان علی کا حق مہر پچیس لاکھ روپے غیر موجل تھا
اور دس ہزار روپے موجل۔۔۔ان کا حق مہر سن کر اکثر لوگ حیران رہ گئے
تھے۔۔۔لیکن ایمان علی نے جو بھی کہا لڑکے والوں نے اسے پورا کیا۔۔۔ |
|
|
سجل علی کا حق مہر |
خوبصورت اور بھولی بھالی سجل علی کا نکاح احد رضا میر کے ساتھ ہوا اور نکاح
کے موقع پر قاضی صاحب بھی دو بار اٹک گئے تھے۔۔۔احد رضا میر اپنے نکاح پر
کافی خوش تھے اور دونوں گھروں کی یہ پہلی خوشی تھی۔۔۔اس خوشی میں پیسوں کو
ثانوی حیثیت حاصل رہی ۔۔۔سجل علی کا حق مہر نکاح کے وقت پچاس ہزار سکہ رائج
الوقت لکھوایا گیا۔۔۔ |
|
|
سارہ خان کا حق مہر |
اداکارہ سارہ خان نے حال ہی میں شادی کر کے سب کو ہی حیران کردیا۔۔۔نکاح
والے دن ان کی خوشی، ان کی کھلکھلاتی ہوئی ہنسی یہ بتا رہی تھی کہ وہ اپنے
فیصلے پر بہت دل سے خوش ہیں اور وہ جس طرح کا شخص اپنی زندگی کے لئے چاہتی
تھیں انہیں وہ حاصل ہوا۔۔۔سارہ خان کا حق مہر پچاس ہزار سکہ رائج الوقت
رکھوایا گیا جو اکثر گھرانوں میں رکھوایا جاتا ہے اور کسی بھی قسم کی ظاہری
شان و شوکت کی نمائش نہیں کی گئی۔۔۔ |
|
|
یاسرہ رضوی کا حق مہر |
اداکارہ یاسرہ رضوی نے جب خود سے دس سال چھوٹے لڑکے سے شادی کی تو لوگوں کے
منہ صرف باتیں کرنے میں مگن تھے لیکن یاسرہ جانتی تھیں کہ انہوں نے اپنی
زندگی کے لئے کیا صحیح اور کیا غلط فیصلہ کیا ہے۔۔۔وہ اپنے دوست کے ساتھ
شادی پر انتہائی خوش تھیں اور اس سادی سی تقریب میں انہوں نے ہادی کو قبول
ہے کا پیغام دے دیا۔۔۔حق مہر کو پیسوں کے ترازو میں نہیں تولا گیا بلکہ
یاسرہ نے اپنے حق مہر میں اپنے شوہر کی فجر نماز کو مانگا ۔۔۔ان کے شوہر نے
بھی انہیں یہ حق مہر دینے کا وعدہ کیا اور آج تک نبھا رہے ہیں۔۔۔ |
|