وہ اچانک زندگی میں آئیں۔۔۔ شوبز کی خواتین جن کا سوشل میڈیا پر کافی ذکر ہے

شوبز میں ایسے کئی قصے سامنے آتے ہیں جہاں کسی خاتون کی وجہ سے کوئی گھر باقاعدہ ختم ہوجاتا ہے۔۔۔ایسے لوگوں کو نا تو پسند کیا جاتا ہے اور نا ہی ان کے حوالے سے کبھی بھی مثبت کوئی بات سامنے آتی ہے ۔۔پچھلے دنوں کچھ ایسی ہی شوبز کی خواتین کے نام آئے سامنے جن پر الزام تھا کہ انہوں نے کسی کا ہنستا بستا گھر توڑا یا توڑنے کی کوشش کی۔۔۔ اچانک نمودار ہونے والی شوبز کی ان خواتین کا ان الزامات کے حوالے سے سوشل میڈیا پر کافی تذکرہ رہا-

سنبل اقبال

اداکارہ سنبل اقبال ایک بہت چلبلی اداکارہ ہیں اور ان کی بہن کونپل بھی اسی فیلڈ سے منسلک ہیں۔۔۔انہیں دیکھ کر لگتا ہے کہ وہ اپنے کام سے کام رکھتی ہیں لیکن پچھلے دنوں اچانک کچھ تصاویر اور ایک پوسٹ سامنے آئی جس میں ایک بیٹی نے اپنے باپ کی تصاویر، آڈیو کلپ سنبل اقبال کے ہمراہ شیئر کیں اور لکھا کہ یہ خاتون میری ماں کا گھر توڑ رہی ہیں۔۔۔تین سال سے میرے ابو ہمارے ساتھ نہیں۔۔۔اور سنبل ان کا استعمال کر رہی ہیں۔۔۔آڈیو کلپ میں واضح تھا کہ سنبل سے وہ شادی پر اصرار کر رہے ہیں اور سنبل یہ سب اس لئے نہیں کرنا چاہتی کیونکہ انہیں پابندیوں سے ڈر لگتا ہے۔۔۔اس بیٹی کا کہنا تھا کہ میرے والد کو بھی میں برابر کا قصور وار مانتی ہوں لیکن سنبل اقبال نے بھی ہمارا گھر توڑا ہے۔۔۔

عظمیٰ خان

عظمیٰ خان کیس نے کئی دنوں تک سوشل میڈیا میں سب کو ہلا کر رکھا۔۔۔وہ ایک شادی شدہ آدمی کے ساتھ دوستی کا رشتہ رکھے ہوئے تھیں اور ان صاحب کے دیئے ہوئے گھر میں ہی مقیم تھیں۔۔ان صاحب کی بیگم نے کافی دفعہ انہیں وارننگ دی اور پھر چاند رات کو اس گھر پر دھاوا بول دیا۔۔۔عظمی خان کی بہن کو زخمی بھی کیا اور یہ ویڈیو بنائی کہ کس طرح ان بہنوں نے ان کا گھر توڑنے کی کوشش کی اور وہ اس میں کامیاب بھی ہوگئیں-

نازش جہانگیر

ماڈل اور اداکارہ نازش جہانگیر پر محسن عباس حیدر کیس میں یہ الزام لگایا گیا کہ ان کی وجہ سے فاطمہ سہیل پر تشدد کیا گیا اور فاطمہ نے یہ بھی کہا کہ نازش اور محسن عباس حیدر کی آپس میں گہری دوستی تھی اور وہ اس کے درمیان مجھے برداشت نہیں کرتے تھے۔۔۔نازش نے اس معاملے کی تصدیق نہیں کی لیکن محسن عباس حیدر اور فاطمہ سہیل کا گھر بھی ختم ہوگیا-

صدف کنول

کسی شادی پر اتنی تنقید نہیں ہوئی جتنی صدف کنول اور شہروز سبزواری کی شادی پر ہوئی۔۔۔کیونکہ لوگوں کا ماننا تھا کہ صدف کنول نے سائرہ اور شہروز کے ہنستے بستے گھر میں پھوٹ پڑوا دی اور خود کو ایک امیدوار بنا دیا اچھی بہو کی حیثیت سے۔۔اس شادی کے ٹوٹنے کا لوگوں کو بہت صدمہ ہوا۔۔۔صدف کا کہنا ہے کہ مجھے لوگ جتنا برا کہیں گے اتنا ہی میری نیکیوں میں اضافہ ہوگا۔۔۔

طوبیٰ عامر

ڈاکٹر عامر لیاقت کی بیٹی دعا نے طوبی کو گھر توڑنے والی خاتون کا ٹائٹل دیا۔۔۔اور عامر لیاقت کی زندگی میں پہلی بیوی اور بچوں کا قصہ ختم کروانے میں اہم کردار کا نام دیا۔۔۔بشریٰ عامر اور عامر لیاقت کی شادی ارو دو بچوں کے درمیان طوبی عامر کی اینٹری کے بعد انہیں بھی کافی کچھ سننے کو ملا اور آج بھی لوگ انہیں قبول نہیں کرپائے-