|
|
محبت میں ایسے کئی مقام آتے ہیں جہاں آنے والے وقت کا اندازہ تو نہیں ہوتا لیکن دل
گواہی دے ہی دیتا ہے کہ کچھ تو ہے جو ان دونوں میں مشترک ہے۔۔اور پھر محبت کی یہ
کہانی مشکلات کا سامنا کر کے بھی ایک ہو ہی جاتی ہے۔۔۔شوبز میں ایسی کئی جوڑیاں ہیں
جن کی شادی کا سن کر سب کو ہی یہ جاننے کا شوق تھا کہ آخر پہلی ملاقات کہاں ہوئی- |
|
حمزہ عباسی اور نمل خاور |
اداکار حمزہ عباسی کی تو کئی لڑکیاں دیوانی تھیں لیکن کوئی نہیں جانتا تھا
کہ وہ اپنی زندگی کس کے نام کریں گے۔۔۔ان کا اسکینڈل اکثر کسی نا کسی کے
ساتھ بنایا جاتا لیکن کبھی اس کی تصدیق نا ہو پاتی۔۔۔ساتھ ہی نمل خاور نے
انڈسٹری میں کچھ عرصہ ہوا قدم رکھا تھا اور ان کا شادی کا کوئی ارادہ نا
تھا۔۔۔لیکن پہلی ملاقات ہوئی ایک آرٹ ایگزیبیشن میں جہاں دونوں نے کہا تو
نہیں لیکن ایک دوسرے کو دل دے دیا۔۔۔اور پھر بات کو زیادہ طول نا دی بلکہ
بہت جلد ہی اس محبت کو شادی کا نام دے دیا۔۔۔ |
|
|
آئزہ خان اور دانش تیمور |
آئزہ اور دانش تیمور کی جوڑی کو سب ہی محبت اور احترام کی نظر سے دیکھتے
ہیں۔۔۔اس جوڑی کی پہلی ملاقات ایک اسٹوڈیو میں ہوئی۔۔۔جہاں دانش نے پہلی
نظر میں ہی آئزہ کو دل دے دیا تھا۔۔۔ایک دوسرے کو نمبر دے دیا گیا اور
دوستی کا آغاز ہوگیا۔۔۔چھے سال تک زندگی میں کئی پڑاؤ آئے اور پھر یہ محبت
شادی کے بندھن میں بندھ گئی۔۔۔ |
|
|
فاطمہ آفندی اور کنور ارسلان |
اداکارہ فاطمہ آفندی اور کنور ارسلان دونوں ہی اداکاری کے شعبے میں بہت آگے
نہیں آئے تھے لیکن ایک دوسرے سے دوستی ہوگئی تھی۔۔۔یہ دوستی ایک شوٹ کے
دوران ہوئی۔۔۔کنور ارسلان کا ارادہ ہرگز شادی کا نہیں تھا جبکہ فاطمہ نے
فیصلہ کرلیا تھا کہ میں شادی کروں گی تو انہیں سے کروں گی۔۔۔لیکن جب فاطمہ
نے کنور سے کہا کہ شادی کری تو کنور فورا پیچھے ہٹ گیا۔۔۔لیکن یہ کیا۔۔۔یہ
دوریاں تو کنور سے بھی برداشت نا ہوئیں اور انہوں نے فوراً ہی فاطمہ کے گھر
رشتہ بھیج دیا۔۔۔ |
|
|
ایمن اور منیب |
ایمن اور منیب کی عمر میں کافی فرق تھا۔۔۔ایمن کو اکثر ڈراموں میں چھوٹی
بہن کا ہی کردار ملتا تھا اور منیب بھی جب پہلی بار ملے ایمن سے تو انہیں
چھوٹی بہنوں کی طرح ہی سمجھا۔۔۔ڈرامہ کی شوٹ سے لے کر دوستوں کے گروہ میں
ملنا ملانا ہوا ۔۔۔لیکن یہ ملاقاتیں ہرگز محبت والی نہیں ہوتی تھیں اور
منیب کے دل میں بھی ایسا کچھ نہیں تھا۔۔۔انہی دنوں منیب کے لئے لڑکی ڈھونڈ
رہے تھے تو منیب نے ایمن سے کہا کہ تم بھی کوئی ڈھونڈو۔۔۔ایمن نے مذاق میں
کہا کہ مجھ سے کرلو۔۔۔ایمن کا مذاق منیب کے لئے ایک نئی سوچ تھا۔۔۔کہ واقعی
ایمن کیوں نہیں۔۔۔جب دوستی ہے تو شادی بھی کرلیتا ہوں۔۔۔اور یوں بات بڑھی۔۔۔ |
|