|
|
کہتے ہیں جس نے صبح کی سیر نہیں کی وہ دن کا پورا لطف ہی نہیں اٹھا سکتا۔۔۔صبح صبح
کی جانے والی چہل قدمی آپ کی زندگی میں حیرت انگیز تبدیلیاں لاتی ہے۔۔۔یہ وہ دوا ہے
جس کی کوئی قیمت نہیں لیکن یہ بہت قیمتی ہے |
|
امید |
صبح کی چہل قدمی آپ کے اندر امید کے دروازے کھول دیتی ہے۔۔۔ہے نا حیران کن
بات لیکن ذرا غور کیجئے کہ جو سانس آپ صبح میں لیتے ہیں وہ اتنی تازہ ہوتی
ہے، ملاوٹ سے پاک ہوتی ہے کہ اس کو اپنے اندر محسوس کرکے بھی آپ کے اندر
ایک نئی امید جاگتی ہے۔۔۔زندگی کی امنگ پیدا ہوتی ہے۔۔۔وہ لوگ جو ڈپریشن کے
شدید ترین وقت سے بھی گزر رہے ہیں ا نہیں صبح کی چہل قدمی کا آغاز کرلینا
چاہئے- |
|
|
بیماریاں |
ﷲ تعالیٰ نے دن کے ہر وقت کی اہمیت اور افادیت بتادی ہے۔۔۔غور کریں تو
احساس ہوگا کہ رات سونے کے لئے اور صبح جاگنے کے لئے کیوں بنائی۔۔۔کیونکہ
ہمارے جسم کی بناوٹ، ہمارے جسم کا نظام اسی حساب سے سیٹ کیا گیا ہے۔۔۔جب ہم
صبح اٹھنے اور چہل قدمی کو اپنا معمول بنالیتے ہیں تو جسم کو بیماریوں سے
لڑنے کے لئے تیار کردیتے ہیں۔۔۔اگر ہم اس وقت سوئیں گے تو جسم اپنی تمام
ضروری طاقتوں کو حاصل کرنے سے محروم رہے گا جو اسے صرف صبح سے ہی مل سکتی
ہیں۔۔۔اور تازہ ہوا میں چہل قدمی کرنے سے دل کے امراض ، سانس کے مسائل،
ڈپریشن، موٹاپا، گھبراہٹ ، بلڈ پریشر سے نجات بھی ملتی ہے۔۔۔ |
|
|
نیند |
کہتے ہیں کہ ناشتہ کرو بادشاہوں کی طرح اور رات کو کھاؤ فقیروں کی
طرح۔۔۔لیکن وقت گزرنے کے ساتھ لوگوں میں یہ عمل الٹا ہوگیا ہے۔۔۔وہ اکثر
ناشتہ گول کردیتے ہیں اور کھانا باقاعدہ دعوتوں کی طرح کرتے ہیں۔۔۔کچھ یہی
عمل دن کے اوقات کا بھی ہوگیا ہے۔۔۔لوگ صبح تو سوتے ہیں اور رات بھر جاگتے
ہیں۔۔۔ان حالات میں صبح کی واک کی اہمیت کا اندازہ کیسے ہوگا۔۔۔رات کو
کھانے کے بعد واک کرنے سے لاکھ درجے افادیت صبح کی چہل قدمی کی ہے۔۔۔جسم
میں انرجی لانے سے لے کر نیند کو بہتر بنانے تک اور زندگی بڑھانے تک یہ بہت
لازمی ہے- |
|