|
|
|
|
|
آسمان پر چمکنے کے لئے زمین والوں کے دلوں کے چراغ روشن رکھنے پڑتے ہیں۔۔۔وہ لوگ جو
اپنا ساتھ دینے والوں کو یاد نہیں رکھتے بہت جلد راستہ بھٹک جاتے ہیں۔۔۔شوبز میں
کوئی ناکام تو وہ بھی فینز کی ناپسندیدگی کی وجہ سے اور کوئی کامیاب تو وہ بھی ﷲ کی
مدد کے بعد فینز کی بدولت۔۔۔لیکن کچھ لوگ ایسے ہیں جو اپنے فینز کو اتنا احترام
دیتے ہیں کہ لوگ حیران ہوجائیں- |
|
|
|
ہمایوں سعید |
|
ایک ایسا لڑکا جس نے ایک متوسط طبقے سے شاہانہ زندگی کی طرف جانے کے لئے
بہت منازل طے کیں۔۔۔جس نے ہر طرح کی نوکری کرنے کے بعد خود کو ایک ستارے کے
طور پر منوایا۔۔۔وہ لاکھوں کروڑوں دلوں کی دھڑکن بننے کے باوجود بھی اپنے
فینز کے لئے ہر وقت حاضر رہتے ہیں۔۔۔ہمایوں سعید جب بھی کسی شو میں جاتے
ہیں تو لازمی شو ختم ہونے کے بعد اپنے فینز کے ساتھ تصاویر کھنچوانے کے لئے
رکتے ہیں اور کبھی مذاق نہیں بناتے یا نظر انداز نہیں کرتے۔۔۔وہ ایسے شوز
میں بغیر پیسوں کے بھی چلے جاتے ہیں جہاں کسی ایسے فین کی خواہش پر انہیں
بلایا جائے جس کی زندگی میں کوئی درد یا تکلیف ہے۔۔۔ |
|
|
|
|
|
صنم جنگ |
|
صنم ایک ایسی میزبان ہیں جن کے اندر غرور نام کو بھی نہیں۔۔دیکھنے میں اکثر
لوگوں کو لگتا ہے کہ شاید صنم کسی اور ہی ہواؤں میں ہے لیکن سچ تو یہ ہے کہ
وہ زمین پر رہنے والی ایک بہت صاف دل کی اور حساس لڑکی ہے۔۔۔صنم نے کافی
عرصہ مارننگ شو بھی کیا اور ان کی دوستی اپنے شو میں بیٹھی ان خواتین سے
ہوجاتی تھی جو آڈینس میں آتی تھیں۔۔۔سب سے اچھی بات یہ ہے کہ صنم بھولتی
نہیں کسی کو۔۔۔وہ شو کے دوران بریک کے وقت بھی آڈینس سے الگ نہیں ہوتیں
بلکہ باتوں کا سلسلہ جاری رکھتی ہیں۔۔اپنے فینز کا دل کبھی نہیں توڑتیں ۔۔۔ |
|
|
|
|
|
احسن خان |
|
اداکار اور میزبان احسن خان ایک بہت ہی ہمدرد انسان ہیں اور انڈسٹری میں تو
سب ہی ان کے دوست ہیں کیونکہ احسن جس سے بھی ملتے ہیں اس کے دل میں گھر
کرلیتے ہیں۔۔۔بے تحاشا شہرت حاصل کرنے کے باوجود حال یہ ہے کہ سڑک پر رک رک
کر لوگوں سے خود مخاطب ہوتے ہیں اور کوشش کرتے ہیں کہ اپنی شہرت سے کسی کو
فائدہ پہنچا سکیں۔۔۔اگر کوئی ٹیلنٹڈ یا ضرورتمند شخص انہیں ملے تو یہ فوراً
اس کی مدد کرنے کو تیار کھڑے ہوتے ہیں۔۔۔ |
|
|