|
|
|
|
|
ڈرامہ میں ہر کردار کی اپنی ایک اہمیت ہوتی ہے اور لوگوں کو اکثر ڈرامہ کے ہیرو
ہیروئن سے بھی زیادہ وہ یاد رہ جاتا ہے جس نے نفرت لینے کی ہر حد پار کرلی ہوتی
ہے۔۔۔کچھ خواتین تو منفی کردار میں ایسے ڈوب جاتی ہیں کہ اکثر ان سے نفرت ہی ہو
جاتی ہے۔۔۔ |
|
|
|
ثنا عسکری |
|
اداکارہ ثنا عسکری کو زیادہ تر منفی کردار ہی ملتے ہیں لیکن وہ ان کرداروں
کو بھی اپنی زندگی کا اہم حصہ بنا لیتی ہیں۔۔۔اکثر تو ایسا ہوتا ہے کہ ان
کی اداکاری اتنی جاندار ہوتی ہے کہ لوگوں کو سچ میں ان سے چڑ ہونے لگتی
ہے۔۔۔انہوں نے کئی ڈراموں میں بدتمیز نند کا کردار نبھایا ہے اور وہ ایسے
کرداروں میں اتنا جچتی ہیں کہ لوگ انہیں مثبت میں قبول ہی نہیں کر پاتے۔۔۔ |
|
|
|
|
|
صبا حمید |
|
اداکارہ صبا حمید ایک بہترین اداکارہ ہیں اور ان سے جڑا ہر کردار اپنی ایک
الگ حیثیت رکھتا ہے اور وہ اکثر ڈراموں میں ایک ایسی ماں کا کردار کرتی ہیں
جو اپنی بہو کے لئے ایک فائٹر جیٹ کی طرح وار کرتا ہے۔۔۔کچھ عرصے پہلے
انہوں نے حرا کی ساس کے کردار میں ڈرامہ غلطی میں کام کیا تو اتنی نفرت
حاصل کرلی کہ لوگ ایسی ماؤں کا سوچ کر ہی گھبرانے لگے۔۔۔ |
|
|
|
|
|
صبور علی۔۔۔ |
|
اداکارہ صبور علی جب منفی کردار اداکا کرتی ہیں تو ان کی آنکھیں تک اس میں
ایسا چلتی ہیں کہ لوگ پریشان ہوجاتے ہیں۔۔۔فیصل قریشی کے ساتھ ڈرامہ وعدہ
میں انہوں نے ایک ایسی ماسی کا کردار نبھایا جو پیسہ حاصل کرنے کی خاطر
اپنے صاحب کو پھنساتی ہے اور ان کی پہلی بیوی کو پریشان کرتی ہے۔۔۔لوگوں کو
اپنے گھر کی ماسیوں پر شک ہونے لگا تھا۔۔۔کیونکہ صبور نے کوئی کسر نہیں
چھوڑی تھی ایسے کرداروں سے نفرت کروانے میں۔۔۔پھر ڈرامہ گل و گلزار میں
ایسی خود غرض دوست بنیں کہ لوگوں کو دوستی کے رشتے پر شک ہونے لگا۔۔۔وہ جس
کردار میں ڈھلتی ہیں اس سے نفرت کروا دیتی ہیں |
|
|
|
|
|
اشنا شاہ |
|
اشنا ء شاہ نے جب ڈرامہ ’’بلا‘‘ میں کام کیا تو کون نہیں تھا جسے ان سے
نفرت نا ہوئی ہو۔۔۔اس ڈرامہ کے بعد وہ کہیں انٹرویو کے لئے بھی گئیں تو
انہیں دیکھ کر لوگ کہہ اٹھتے ۔۔۔بلا ہو تم بلا ہو۔۔۔یہ سچ ہے کہ کسی کردار
کی مضبوطی ہی یہ ہوتی ہے کہ لوگ اسے سچ سمجھنے لگیں لیکن اشنا شاہ کے ساتھ
یہ اتنا زیادہ ہوجاتا ہے کہ منفی کرداروں کے بعد لوگوں کو لگتا ہے کہ یہ
اصلی زندگی میں بھی اتنی ہی خطرناک ہوگی۔۔۔ |
|
|