|
|
| |
| موٹر وے پر ہونے والے انسانیت سوز واقعے کے بعد لوگوں کا
یقین ہر ایک پر سے اٹھ گیا ہے معاملہ دو سال کی معصوم بچی کا ہو یا ایک
شادی شدہ کئی بچوں کی ماں کا ہر فرد ایک خوف کا شکار ہے اور اپنے قریبی
رشتوں پر بھی اعتبار کرنے کے قابل نہیں رہا ہے- اس بے یقینی کے دور میں اور
نفسا نفسی کے عالم میں اگر کہیں سے کسی اچھے واقعے کے متعلق پتہ چلتا ہے تو
وہ بالکل ٹھنڈی ہوا کے جھونکے کی طرح محسوس ہوتا ہے- ایسا ہی واقعہ گزشتہ
روز کراچی کے شہید ملت ایکپریس وے پر پیش آیا- |
| |
| یہ واقعہ احمر بٹ صاحب نے سوشل میڈیا پر شئير کیا ان کا
یہ کہنا تھا کہ ان کی اہلیہ تنہا گاڑی اس روڈ پر چلا رہی تھیں مگر اچانک
گاڑی کا ایک ٹائر جو کہ نیا ہی تھا پھٹ گیا جس کے سبب گاڑی کنٹرول سے باہر
ہو گئی اور گاڑی کا توازن رکھنے کی کوشش میں گاڑی کا دوسرا ٹائر بھی برسٹ
ہو گیا اور گاڑی بیچ سڑک پر رک گئی- |
| |
| تنہا خاتون ڈرائیور ہونے کے سبب ان کی اہلیہ اس حادثے کے
سبب شدید شاک کی حالت میں تھیں جب کہ پیچھے موجود گاڑیاں حالات کو سمجھنے
کے بجائے ہارن پر ہارن دے کر پریشانی کو مزید بڑھا رہی تھیں جس نے خاتوں کو
مزید حواس باختہ کر دیا |
|
|
|
|
| |
| ایسے وقت میں نوجوان انیس بلوچ ایک رحمت کے فرشتے کی
مانند سامنے آیا اور انہوں نے گاڑی کو اپنی مدد آپ کے تحت سائڈ پر لگایا
اور پیچھے موجود گاڑیوں کے لیے ٹریفک کو کلئیر کروایا- اس کے بعد گاڑی میں
موجود اضافی ٹائر کی مدد سے ایک ٹائر تو تبدیل کر دیا- |
| |
| جب کہ گاڑی کے دوسرے ٹائر کے لیے انیس بلوچ جو کہ پیشے
کے اعتبار سے مکینک تھا اپنے کسی جاننے والے سے دو دن کی اپنی ضمانت پر ان
سے ان کا اضافی ٹائر لے کر آیا اور گاڑی کے دونوں ٹائر تبدیل کر کے ان کو
درست حالت میں کر دیا- |
| |
| انیس بلوچ جو کہ ایک غریب مکینک تھا اس خدمت کے بدلے میں
کوئی بھی معاوضہ طلب کرتا وہ مانگ سکتا تھا مگر انہوں نے اس کے بدلے میں
کسی بھی قسم کا معاوضہ لینے سے یہ کہہ کر انکار کر دیا کہ میری آج کی نیکی
کو آپ معاوضہ دے کر ضائع نہ کریں- اس کی بات نے یہ ثابت کر دیا کہ دنیا
ابھی بھی اچھے لوگوں سے خالی نہیں ہے جن کے نزدیک ہر چیز پیسے میں نہیں
تولی جا سکتی ہے اور اللہ کی بارگاہ میں نیکی کا صلہ ہر حال میں اس معاوضے
سے بہت زیادہ ہوتا ہے جو کہ پم پیسوں کی صورت میں وصول کرتے ہیں- |
| |
|
|
| |
| ان صاحب نے انیس بلوچ کی تصویر اس کی اجازت سے لے کر
شئير کرتے ہوئے بتایا کہ انیس بلوچ شایان ہال کے سامنے محمود آباد روڈ پر
کام کرتا ہے اور اس نیک انسان سے اپنی گاڑی کا کام کروایا جا سکتا ہے- |
| |
| اللہ انیس جیسے نوجوانوں کی طاقت اور جذبے میں اضافہ
فرمائے حقیقی معنوں میں یہی درحقیقت وہ لوگ ہیں جن کی وجہ سے یہ دنیا اب تک
قائم و دائم ہے- |