|
|
| |
| اولاد کو پالنا اتنا آسان نہیں اور یہ کوئی پوچھیں ان
ماؤں سے جو شوبز میں کام کرتی ہیں۔۔۔بچوں کو صرف پالنا ہی نہیں بلکہ ان کی
پرورش بھی تو کرنا ہوتی ہے اس لئے انہیں اپنے ساتھ رکھنا ضروری ہوجاتا
ہے۔۔۔شوبز کی ایسی کئی مائیں ہیں جنہوں نے بچوں کو کام پر لے جا کر ہی پالا۔۔۔ |
| |
| شائستہ لودھی |
| شائستہ لودھی نے شادی کے بعد شوبز میں کام کا آغاز
کیا۔۔۔جب وہ انڈسٹری میں آئیں تو بچہ چھوٹا ہی تھا۔۔۔دونوں چھوٹے بیٹوں کے
بعد جب وہ پوری طرح مارننگ شو میں مصروف ہوگئیں تو زندگی میں ایمان نے قدم
رکھا۔۔۔ننھی ایمان کا اپنی ماں کے ساتھ آفس آنا تو معمول تھا۔۔۔پھر جب وہ
اسکول جانے لگیں تو بھی شائستہ شو سے فارغ ہوکر بغیر میک اپ اتارے انہیں
لینے بھاگتی تھیں۔۔۔شائستہ نے اپنے بچوں کو اکثر آفس میں ساتھ ہی رکھا تاکہ
وہ ان کو اپنی نظروں کے سامنے رکھ سکیں۔۔۔ |
|
|
| |
| عروسہ صدیقی |
| اداکارہ عروسہ صدیقی نے تو آج کل اپنا وزن کافی کم کرلیا
ہے اور بیٹے کی پیدائش کے بعد انہوں نے واپس انڈسٹری میں قدم رکھا۔۔۔ایک
مزاحیہ ڈرامے میں نظر آئیں اور اکثر انٹرویوز میں بھی گئیں۔۔۔لیکن ننھے
حمزہ ہمیشہ ساتھ رہے۔۔۔عروسہ بچے کے لئے ایک ماسی بھی ساتھ رکھتی ہیں لیکن
رکھتی اپنی نظروں کے سامنے ہیں۔۔۔ |
|
|
| |
| ندا یاسر |
| مارننگ شو کا بہت بڑا نام ندا یاسر کا تیسرا بچہ بالاج
تو پیدا ہوا ہی مارننگ شو کے لئے تھا۔۔۔وہ اکثر میک اپ روم میں کھیل رہا
ہوتا تھا اور جب تک ندا وہاں ہوتی تھیں تو ان کے آگے پیچھے ہی پھرتا
تھا۔۔۔جب تھوڑا بڑا ہوا اور اسکول جانا شروع ہوا تو اسے گھر میں چھوڑنے
لگیں ورنہ اکثر شو میں بیک اسٹیج اسے بھی سنبھالنا پڑتا تھا۔۔۔ندا کے والد
نیا یک انٹرویو میں بتایا تھا کہ جب ان کے بچے یعنی ندا اور اسکے بہن بھائی
چھوٹے تھے تو ہم دونوں میاں بیوی پی ٹی وی میں کام کرتے تھے ارو اکثر بچوں
کو لے کر جاتے تھے۔۔۔کبھی ماں سنبھالتی تھیں اور کبھی میں۔۔۔ |
|
|