|
|
| |
| کہتے ہیں کہ مہمانداری کرنا بڑے دل والوں کا شیوہ ہوتا
ہے اور جو لوگ اس میں ماہر ہوتے ہیں انہیں بدلے میں بہت محبت ملتی ہے۔۔۔کچھ
لوگ تو بہت اچھی نیت سے اس کام کو کرتے ہیں لیکن کچھ لوگوں کے دل میں چھپے
ہوتے ہیں ہر دعوت کے پیچھے کوئی نا کوئی مقاصد۔۔۔کوئی دل میں جگہ بنانے کے
لئے دعوت کرتا ہے تو کوئی اگر شوبز میں ہو تو میدان میں قدم جمانے کے
لئے۔۔۔انڈسٹری میں ایسے کچھ لوگ ہیں جو لازمی دعوت کرتے ہیں۔۔۔ |
| |
| ندا یاسر |
| ندا یاسر اور یاسر نواز لوگوں کو کھلانے کے ہیں کافی
شوقین۔۔دوسروں کی خوشیاں ہوں تو پہلا دعوت نامہ اکثر انہی کے گھر سے آتا ہے
خوشی کو منانے کا۔۔۔پچھلے دنوں ستارہ امتیاز ایوارڈز سے نوازے گئے ستاروں
کو ندا یاسر نے اپنے گھر پر مدعو کیا جس میں بشریٰ انصاری ، سلطانہ صدیقی
اور ہمایوں سعید موجود تھے۔۔۔دونوں نے نا صرف اپنے گھر پر ان کے لئے دعوت
رکھی بلکہ تحائف کا بھی انتظام کیا۔۔۔۔انڈسٹری چاہے کوئی بھی بات بنائے
لیکن ندا اور یاسر کے اس عمل نے سب کو کافی متاثر کیا۔۔۔ |
|
|
| |
| جویریہ اور سعود |
| جویریہ سعود نے جب سے بڑا گھر لیا ہے تو سب کو اس میں
بلاتی ہی رہتی ہیں۔۔۔خاص طور پر ان لوگوں کو جن کے ساتھ کام کا سلسلہ جوڑنا
ہوتا ہے یا جڑا رہتا ہے۔۔۔گروپ ایم کے کئی لوگوں کو اکثر ان کی ہر دعوت اور
غزل نائٹ میں دیکھا گیا ہے۔۔۔ اس کے علاوہ شبیر جان، فریدہ شبیر، ہمایوں
اشرف، نعمان حبیب ، ثنا فخر، سنگیتا جیسے نام تو اکثر محفل کا حصہ بننا
لازمی ہیں۔۔۔جویریہ اور سعود باقاعدہ کیٹرنگ کرواتے ہیں ان بڑی بڑی دعوتوں
کی ۔۔۔ |
|
|
| |
| نعمان مسعود |
| اداکار نعمان مسعود نے اسلام آباد میں ہوٹل تو ابھی
کھولا ہے لیکن دعوت دینے کی عادت ان کی کافی پرانی ہے۔۔۔لوگوں کو یہ یقین
ہوتا ہے کہ دعوت اگر نعمان مسعود کے گھر سے ہے تو اس کا کھانا اور انتظام
لاجواب ہی ہوگا۔۔۔وہ میوزک اور ریڈ کارپٹ تک رکھتے ہیں اپنے گھر کی تقریبات
میں تاکہ لوگوں کا دل لگا رہے۔۔۔ |
|
|