|
|
شادی ایک نیا سفر ہے زندگی کا جس میں داخل ہونے کے بعد اکثر اداکارائیں بڑے بڑے
فیصلے لیتی ہیں اور شوبز سے کنارہ کشی اختیار کر لیتی ہیں۔ کچھ کو نجی زندگی میں
سیٹ ہونے کے لئے شوبز کو چھوڑنا پڑتا ہے اور کچھ خود یہ فیصلہ کرتی ہیں۔ شوبز کے
ایسے کئی بڑے نام ہیں جنہوں نے زندگی کا یہ مشکل فیصلہ لیا اور اس پر ابھی تک قائم
ہیں۔ |
|
صنم بلوچ |
صنم بلوچ کی کچھ عرصہ قبل اپنی بیٹی کے ساتھ نظر آنے والی تصاویر نے کافی
دن تہلکہ مچایا کہ آخر یہ شادی کب ہوئی۔ لیکن پھر آہستہ آہستہ اس شادی کے
بارے میں بھی تفصیلات سامنے آگئیں اور یہ اندازہ ہوا کہ صنم بلوچ کی شادی
ایک بہت ہی بارسوخ اور پیسے والے گھرانے میں ہو گئی ہے جہاں ان پر لگنے
والی سب سے بڑی پابندی شوبز کی دنیا سے دور رہنے کی ہے۔ خاص طور پر بیٹی کی
پیدائش کے بعد ان کے شوہر کو لگتا ہے کہ صنم کو اب مکمل طور پر اسی کی
پرورش پر توجہ دینی ہے اور صنم خوشی خوشی اپنے شوہر کی اس خواہش کو پورا کر
رہی ہیں۔ انہوں نے باقاعدہ اعلان نہیں کیا لیکن ذرائع سے اس بات کی تصدیق
ہوئی ہے کہ صنم نے شوبز کو خیر آباد کہہ دیا ہے۔۔۔ |
|
|
عائشہ خان |
اپنی شادی سے کچھ عرصہ قبل عائشہ خان نے شوبز کو چھوڑنے کا اعلان کیا تھا۔
یہ اعلان سننے کے بعد کافی لوگوں کا خیال تھا کہ شہرت کے اس آسمان پر چمکنے
والا یہ ستارہ وقتی طور پر اس فیصلے کے لئے راضی ہوا ہے۔ لیکن عائشہ خان کی
ثابت قدمی نے ان کے فیصلے کی مضبوطی پر سچ کی مہر ثبت کردی۔ عائشہ خان نے
جو کہا وہ کر کے دکھایا اور کسی ڈرامہ، کسی کمرشل اور کسی بھی ٹی وی
انٹرویو میں شادی کے بعد دکھائی نہیں دیں۔ |
|
|
نیمل خاور خان |
نیمل نے یوں تو شوبز میں بس قدم ہی رکھا تھا کہ وہ شادی کے بندھن میں بندھ
گئیں۔ لیکن ان کی شہرت دیکھ کر لگتا تھا کہ وہ اس سفر کو بہت آگے تک لے جا
سکتی ہیں۔ نیمل نے اپنی مرضی سے زندگی کی ڈور حمزہ عباسی کے ہاتھ میں دی
اور شوبز کو نا صرف چھوڑا بلکہ خوشی سے چھوڑا۔ اب اپنے بیٹے کی پرورش میں
مصروف ہیں- |
|