|
|
| |
| دلہنوں کا سفید لباس ہمیشہ سے لوگوں کی توجہ کا مرکز رہا
ہے۔ سفید لباس چونکہ پاکیزگی کی علامت ہے اس لئے دلہن بھی اس رنگ کے عروسی
لباس میں پری جیسی لگتی ہے۔ لیکن ہر قوم اور ملک میں بسنے والے لوگ الگ الگ
روایات رکھتے ہیں اور دلہن کا لباس ان روایات کی عکاسی کرتا ہے۔ اگرچہ
سفید عروسی جوڑا مغربی دلہنوں کا لباس ہے لیکن اب مسلم دنیا بالخصوص ترک
اور پاکستان کی دلہنوں میں بھی سفید لباس کا رواج زور پکڑتا جارہا ہے تو
چلیے جانتے ہیں کہ کیوں آجکل دلہنیں سفید رنگ پہننا زیادہ پسند کررہی ہیں
اور اس کا رواج ترقی پارہا ہے |
| |
| ترک دلہن |
| ترکی میں دلہنیں سفید رنگ کے لباس کا انتخاب ملکہ سے
مماثلت میں کرتی ہیں چونکہ عام طور پر مختلف ممالک کی ملکہ اپنی شادی میں
سفید گاؤن پہنتی ہیں اسی لئے ترکی میں دلہنیں بھی اسی انداز کو اپنانا پسند
کرتی ہیں اور سفید گاؤن یا میکسی پہنتی ہیں۔ لباس کے علاوہ ترکی کی کچھ
مسلمان دلہنیں اسکارف سے اپنا سر ڈھانپتی ہیں |
| |
|
|
| |
| پاکستان میں دلہنوں کا
سفید لباس |
| پاکستان میں عام طور پر دلہنوں میں سرخ رنگ کا عروسی
لباس پہننے کا رواج ہے جس کا مذہب سے تو کوئی تعلق نہیں البتہ برصغیر پاک و
ہند کی دلہنوں میں کئی زمانوں سے سرخ جوڑا دلہنوں کے لیے لازمی خیال کیا
جاتا ہے۔ لیکن اب یہ رواج دھیرے دھیرے تبدیل ہورہا ہے اور جہاں دلہنیں اپنے
عروسی لباس میں مختلف رنگوں کے تجربے کرتی دکھائی دیتی ہیں وہیں سفید رنگ
کو بھی خاصی اہمیت دی جارہی ہے |
| |
|
|
| |
| پاکستان میں سفید رنگ کے عروسی لباس متعارف کروانے
کا سہرا پاکستانی میڈیا کو جاتا ہے جس میں مختلف اداکاروں نے اپنے ڈراموں
کے دوران سفید عروسی لباس پہنا اور اس میں اتنی خوبصورت لگیں کہ ان کی
دیکھا دیکھی کئی ہونے والی دلہنوں نے سفید عروسی لباس کی فرمائش کردی |
| |
| ہر رنگ کا اپنا حسن ہے اور بلاشبہ سفید رنگ آنکھوں کو تو
بھلا لگتا ہی ہے لیکن دلہن پر اس رنگ کے لباس کے ساتھ دیگر لوازمات اس کی
خوبصورتی میں چار چاند لگا دیتے ہیں |