|
|
| |
| زندگی کے کسی بھی موڑ پر اپنے لئے کوئی قدم اٹھانا انسان
کا حق ہے اور جب زندگی کے کسی موڑ پر آپ یہ فیصلہ اپنے لئے لیں اور معاشرے
کی دیوار کو گرا کر خوش رہنے کی کوشش کریں تو اس سے بڑی ہمت اور بہادری
کوئی نہیں۔ پچھلے دنوں اداکارہ ارسہ غزل نے ایک تقریب میں لی جانے والی
سیلفی شیئر کی جس میں ان کا کیپشن تھا کہ میں اپنے شوہر اور اپنے سوتیلے
بیٹے تبریز کے ہمراہ۔ |
| |
| یہ تصویر دیکھنے کے بعد تو کھلبلی ہی مچ گئی۔ انڈسٹری
میں تو لوگ یہ جانتے ہوں گے کہ ارسہ نے شادی کرلی لیکن لوگوں کو اس کا نہیں
علم تھا۔ یہ شادی اداکار ساجد شاہ کے ساتھ ہوئی ہے۔ ساجد شاہ ویسے تو کئی
ڈراموں میں نظر آتے ہیں لیکن آج کل ڈرامہ ’’رقص بسمل‘‘ میں ولن کے کردار
میں دکھائی دے رہے ہیں۔ ارسہ غزل کی زندگی میں ایک بیٹا اور بیٹی تو موجود
تھے ہی لیکن انہوں نے ساجد کے بیٹے کو بھی دل سے قبول کیا ہے۔ |
| |
|
|
| |
| ساجد شاہ کے بیٹے تبریز بھی انڈسٹری میں کام کر رہے ہیں۔
اس شادی کے بعد ارسہ غزل کی مسکراہٹ دیکھ کر ان کے فینز کو تو بہت خوشی ملی۔
ارسہ اداکارہ اشنا شاہ کی بڑی سوتیلی بہن ہیں اور دونوں میں بہت پیار
ہے۔۔۔اس لئے ارسہ اچھی طرح ہر رشتے کو نبھانا جانتی ہیں اور یقیناً پچاس
سال کی عمر میں کیا جانے والا یہ فیصلہ ان کے لئے بہترین ثابت ہوگا۔ |
| |
|
|
| |
| بڑے بڑے بچوں کے ساتھ اس سے پہلے یہ فیصلہ ثمینہ احمد،
بشریٰ انصاری، نازلی نصر نے بھی کیا اور ان کی زندگی میں محبت اور پیار الگ
ہی نظر آتا ہے۔ |