|
|
| |
| اولاد ماں باپ کی زندگی کی ایسی خوشی ہوتی ہے جس
کے اردگرد ہی وہ اپنی زندگی کو تلاش کرتے ہیں۔۔۔ جیسے ہی اولاد خوش ہوتی ہے
ماں باپ کے چہرے پر مسکراہٹ یقینی ہوجاتی ہے۔۔۔ مارننگ شو کی میزبان اور
اداکارہ صنم جنگ کی زندگی میں پانچ سال کی ننھی الایا کہ اہمیت اس لئے بھی
بہت زیادہ ہے کیونکہ وہ خود گھر کی بڑی بیٹی ہیں اور ان کی بیٹی پورے گھر
کی لاڈلی ہے۔۔۔ |
| |
| ایک وجہ تو گھر کا پہلا بچہ اور دوسری وجہ یہ بھی ہے کہ
صنم کے شوہر قسام کام کے سلسلے میں ملک سے باہر رہتے ہیں اور یہاں صنم جنگ
اکیلے ہی الایا کی زندگی میں رنگ بھرنے کی کوششیں کرتی رہتی ہیں۔۔۔ |
| |
| صنم ہر سال کسی نا کسی تھیم کے ساتھ ایک چھوٹا سا
ارینجمینٹ کرتی ہیں جہاں الایا کی خوشی بھی ہوجائے اور تصاویر بھی لیکن
زیادہ لوگ اکھٹے نا ہوں۔۔۔ایک وجہ کرونا بھی ہے اور دوسری یہ کہ صنم چاہتی
ہیں کہ وہ بڑی خوشیاں الایا کے والد کے ساتھ مل کر منائیں۔۔۔ |
|
|
|
|
| |
| پانچ سال کی ننھی الایا کو آپ چھوٹا ہرگز مت سمجھیں
کیونکہ اپنے کیک کی سلیکشن سے لے کر سالگرہ کی جگہ منتخب کرنے اور کیا
پہننا ہے سے لے کر کیا کھانا ہوگا تک کے سارے آئیڈیاز اسی ننھے دماغ سے آئے
ہیں۔۔۔ |
| |
| صنم جنگ نے اپنی بیٹی اور اپنی بہنوں کے ساتھ اس خوبصورت
دن کی تصاویر کھنچوائیں اور وہ کافی جذباتی بھی تھیں کیونکہ پچھلے دنوں وہ
کافی بیمار بھی رہیں اور بیماری سے صحت یابی کے بعد یہ ان کی پہلی تقریب
تھی جو ان کے دل کے بہت قریب تھی۔۔۔ |
| |
|
|
| |
| ننھی الایا کی مسکراہٹ کے شوبز میں ہی نہیں بلکہ دیکھنے
والوں میں بھی بہت فینز ہیں کیونکہ وہ ایک زندہ دل بچی ہے اور اپنی باتوں
سے یہ بتا دیتی ہیں کہ وہ بھی ماں کی طرح کافی اچھی طرح لوگوں میں گھل مل
جاتی ہیں۔۔۔ |
| |
| دعا ہے کہ الایا جعفری ایسی ہزاروں خوشیاں صحت اور زندگی
کے ساتھ دیکھیں اور اگلی سالگرہ ماں اور باپ دونوں کے ساتھ مل کر منائیں،۔ |