|
|
| |
| زندگی میں انسان کچھ نا کچھ ایسا کرنا چاہتا ہے جو اس کے
دل میں بستا ہے لیکن اسے موقع نہیں ملتا اپنا وہ چھپا ہوا ٹیلنٹ، وہ چھپی
ہوئی خواہش دکھانے کا۔۔۔۔لیکن جیسے ہی یہ موقع ہاتھ آتا ہے تو پھر کچھ
سجھائی نہیں دیتا اور انسان فوراً اسے منتخب کر لیتا ہے۔۔۔شوبز میں ایسے
کئی اداکار ہیں جنہوں نے انڈسٹری میں آنے سے پہلے دوسری نوکریاں کیں اور
پھر شوبز کو اپنی منزل چنا۔۔۔ |
| |
| وہاج علی |
| اداکار وہاج انڈسٹری کے کامیاب ترین اداکاروں میں سے ایک
ہیں۔۔۔ان کا انداز ہمیشہ سے ہی ہیرو والا تھا۔۔۔ اپنے کپڑوں، اپنی لک کا وہ
ہمیشہ بہت خیال رکھتے تھے۔۔۔انڈسٹری میں اداکاری کی دنیا میں آنے سے پہلے
تک وہ سماء ٹی وی میں ہی پروڈکشن سے وابستہ تھے اور پروڈکشن کے سارے کام
سنبھالتے تھے۔۔۔سماء کی ٹرانسمیشنز ہوں یا ریما خان کا شو۔۔۔ان سب کے پیچھے
کام کرنے والوں کی فہرست میں ایک نام وہاج کا بھی ہوتا تھا۔۔۔لیکن ساتھ کام
کرنے والے بھی وہاج کو یہی کہتے کہ تم ہیرو بنو گے۔۔۔ اور یوں وہاج نے شوبز
کی دنیا میں قدم رکھ ہی دیا۔۔۔ |
|
|
| |
| زاہد احمد |
| اداکار زاہد احمد آج کل صف اول کے اداکاروں کی
فہرست میں شامل ہیں اور ان کی اداکاری کو نا صرف مانا جاتا ہے بلکہ کامیاب
ڈراموں کی پہچان بھی کہا جاتا ہے۔۔۔ زاہد نے ایک بہت مشکل سفر طے کیا۔۔۔ وہ
ہمیشہ سے آرٹس سے دلچسپی تو رکھتے تھے لیکن انہیں پتہ نہیں تھا کہ ضروریات
زندگی کے لئے کیا زیادہ ضروری ہے۔۔۔خواب یا پھر پیسہ۔۔۔ اس وقت تو دونوں ہی
مشکل ہو چکے تھے۔۔۔وہ ایک کال سینٹر میں ملازمت کیا کرتے تھے اور ڈیوٹی کے
دوران بھی اکثر دوسری نوکری کی تلاش میں ہی رہتے تھے۔ |
|
|
| |
| ہمایوں سعید |
| ہمایوں سعید اپنے گھر کے سب سے بڑے بیٹے ہیں۔۔۔جب
وہ بڑے ہوئے تو ملازمت کا دباؤ گھر کی طرف سے اور اردگرد کی طرف سے ان پر
پڑنے لگا۔۔۔ دوستوں کی مدد سے ہی انہیں ایک گارمنٹ فیکٹری میں ملازمت مل
گئی۔۔۔انہوں نے وہاں بھی اپنا لوہا منوایا۔۔۔ اتنی محنت کی کہ خود اس کمپنی
کے مینیجر ہی بن گئے۔۔۔ ہمایوں سعید جس فیکٹری میں کام کرتے تھے وہاں کے
مالکان بھی ان کے کام کو مانتے تھے۔۔لیکن ہمایوں ہمیشہ سے ہی شوبز میں آنا
چاہتے تھے اور انہوں نے اپنے ایک دوست سے کہا جو رؤف لالہ کے بھانجے تھے کہ
مجھے انڈسٹری میں آنا ہے۔۔۔یوں فیکٹری کی ملازمت سے ایک نیا سفر شروع ہوا
جس کا نام تھا شوبز- |
|
|