|
|
| |
| نئے سال کی آمد آمد ہے لیکن صرف پاکستان میں ہی نہیں
بلکہ دنیا بھر میں اس کا ایک شور ہوتا ہے اور طرح طرح کی سیل اور طرح طرح
کے فیسٹیولز لگائے جاتے ہیں نئے سال کی خوشی میں۔۔۔ جہاں یہ اہتمام ہوتے
ہیں وہیں کچھ ایسی روایات ہیں جن کا پاس رکھا جاتا ہے اور انہیں قسمت کا
کھیل مانا جاتا ہے۔۔۔دنیا میں کئی ممالک کے طور طریقے نئے سال کو منانے کے
لئے بالکل الگ ہیں- |
| |
| اسپین میں نیا سال |
| اگر آپ اسپین میں ہیں اور نئے سال کی رات شروع ہونے والی
ہے تو فوری طور پر اپنے ہاتھ میں گن کر بارہ انگور تھام لیں۔۔ یہ بارہ
انگور آپ نے نیا سال شروع ہوتے ہی اپنے منہ میں رکھنے ہیں ایک ایک کرکے۔۔۔
ان بارہ انگوروں سے مراد دراصل بارہ مہینے ہیں اور اسپین میں رہنے والوں کا
ماننا ہے کہ سالوں سے یہ کرنا ہی ان کے نزدیک نئے سال کی خوشیوں کو آواز
دینا ہے۔۔۔وہ اپنی قسمت کو نئے سال میں کچھ اس انداز میں بدلتے ہیں- |
|
|
| |
| برازیل میں نیا سال |
| اگر آپ برازیل میں ہیں تو نئے سال میں داخلہ ہوتے ہی
سمندر کا پانی سفید پھولوں سے بھر جائے گا۔۔۔ ان سفید پھولوں کو یہ
امن،خوشیوں او ر سکون سے لیتے ہیں۔۔۔ سمندر کے گہرے پانی کو سفید پھولوں سے
بھر کر یہ تمام خوشیاں اپنے لئے مانگنے کی خواہش کرتے ہیں اور اپنی خوشی کے
لئے سالوں سے یہ تہوار بغیر کسی وقفہ کے منا رہے ہیں۔۔۔ |
|
|
| |
| یونان میں نیا سال |
| اگر آپ یونان میں نیا سال منانے چلے گئے ہیں تو پہلی رات
ہی پیاز کو اپنے ساتھ رکھ لیں کیونکہ نیا سال شروع ہوتے ہی دروازے پر آپ کو
پیاز لٹکانی ہوگی۔۔ پیاز کا مطلب یونانی زبان میں دوبارہ پیدا ہونے کے ہیں
اور وہ اس سبزی کو اپنے دروازے پر لٹکا کر یہ سوچتے ہیں کہ اس نئے سال میں
وہ ایک بار پھر سے پیدا ہوں ایک نئے انداز میں اور ان کے اندر سب کچھ مثبت
ہو۔۔۔ |
|
|
|
|
|
ڈنمارک میں نیا سال |
|
اگر ڈنمارک میں رہتے ہیں تو پھر نئے برتن خرید لیں کیونکہ نئے سال کی
رات تو ساری پلیٹیں ٹوٹ جائیں گی۔۔۔وہاں نئے سال کی رات برتن توڑے جاتے ہیں
اور ان کا ماننا ہے کہ غصہ، بری سوچ، منفی باتیں سب پچھلے سال میں ان ٹوٹے
ہوئے برتنوں کے ساتھ رہ جاتا ہے اور نیا سال صرف خوشیاں لاتا ہے۔ |
|
|