|
|
| |
| دنیا میں کچھ بھی نا ممکن نہیں ہوتا ہے مثبت سوچ رکھنے
والے افراد اسی سوچ پر کاربند رہتے ہیں اور اسی وجہ سے مشکل سے مشکل کام کو
بھی نہ صرف انجام دے دیتے ہیں بلکہ ہر چیلنچ کا سامنا کرنے کے لیے تیار ہو
جاتے ہیں۔ مگر ہم دعویٰ کے ساتھ کہہ سکتے ہیں کہ ایک کام ایسا بھی ہے جو کہ
یہ دنیا کا ہر فرد نہیں کر سکتا ہے- وہ کام ہے اس دنیا کے ہر انسان کو خوش
کرنا، یہ ایک حقیقت ہے کہ دنیا کا ہر انسان آپ سے راضی اور خوش نہیں ہو
سکتا ہے مگر یہ بھی حقیقت ہے کہ کچھ لوگ منافقت کے اس درجے پر ہوتے ہیں کہ
وہ کسی کے سامنے اپنے جذبات کو ظاہر نہیں ہونے دیتے- |
| |
| آپ کو ناپسند کرنے والوں
کی نشانیاں |
| کچھ لوگ اپنے جذبات کا اظہار اپنے منہ سے نہیں کرتے ہیں
لیکن ان کے انداز اور اطوار سے ان کے دل کے حال کا اندازہ لگایا جا سکتا ہے
آج ہم آپ کو ایسی ہی کچھ نشانیاں بتائيں گے- |
| |
| نظریں چرانا |
| جن افراد کے دل میں آپ کے خلاف کسی بھی قسم کی عداوت
ہوگی وہ کبھی بھی آپ سے نظریں چار نہیں کریں گے کیوں کہ نظریں دل کا حال
فوراً بتا دیتی ہیں- ایسے افراد بھلے صرف آپ سے بات بھی کر رہے ہوں تب بھی
ان کی نظریں آپ کی نظروں سے ملنے کے بجائے ادھر ادھر بھٹک رہی ہوں گی- |
|
|
|
|
| |
| بات کو جلد ختم کر دینا
|
| اگر کوئی انسان آپ سے بات کرتے ہوئے بار بار
گھڑی کو دیکھ رہا ہو یا پھر ہر بات کا جواب بہت جلد بازی میں دے یا مختصر
دے تو یہ اس بات کی نشانی ہے کہ وہ آپ کی کمپنی میں بہتر محسوس نہیں کر رہا
ہے- اور جلد از جلد آپ سے دور ہونے کے جتن کر رہا ہے- ایسے فرد کے دل میں
آپ کے خلاف مثبت سوچ اور جذبات نہیں ہوتے ہیں- |
| |
| آّپ کی بات پر دھیان نہ
دینا |
| جن افراد کے دل میں آپ کے لیے کسی قسم کی عداوت ہوگی ان
کے نزدیک آپ کی بات کی کبھی بھی اہمیت نہ ہو گی اور ان کی پوری کوشش ہوگی
کہ وہ اپ کی بات کو سنی ان سنی کر دیں اور ایسے افراد آپ سے بات کرنے کے
بجائے خود کو کسی نہ کسی دوسرے کام میں مصروف کر سکتے ہیں- |
| |
|
|
| |
| آپ کا مذاق
اڑانا |
| جس فرد کے دل ميں آپ کے لیے عناد ہوگا ایسا
انسان اس بات کی قطعی پرواہ نہیں کرے گا کہ اس کا کوئی عمل آپ کی دل آزاری
کا سبب بن رہا ہے- اس کے بجائے وہ کوشش کرے گا کہ محفل کے اندر یا دوسرے
لوگوں کے سامنے آپ کا اس طرح سے مذاق اڑائے جس سے اس کے اندر کے جذبوں کو
تسکین پہنچے۔ اس دوران وہ ہر قسم کی حدود و قیود کی فکر نہیں کرے گا- |
| |
| مصنوعی مسکراہٹ
|
| انسان کی اصل مسکراہٹ صرف اس کے چہرے سے ہی
نہیں بلکہ اس کی آنکھوں سے بھی چھلکتی ہے- جو انسان ایسے منافقانہ جذبات
رکھتا ہوگا اس کی مسکراہٹ بھی اسی طرح منافقانہ ہوگی اور اس مسکراہٹ کا
ساتھ اس کی آنکھیں نہیں دے رہی ہوں گی- |
| |
| اگر آپ کو ان میں سے ساری خصوصیات یا کچھ
خصوصیات کسی فرد میں محسوس ہوں تو اس فرد کے حوالے سے کسی نہ کسی حد تک
محتاط ہو جائیں لیکن اس بات کا یقین بھی کرلیں کہ آپ کا اندازہ درست ہے- |