|
|
دوسری شادی کی دھمکی اکثر شوہر حضرات اپنی بیویوں کو
دیتے نظر آتے ہیں جس پر بعض خواتین سخت ترین رد عمل کو ظاہر کرتی ہیں اور
بعض خواتین ایسی بھی ہوتی ہیں جو اپنے شوہروں کو نہ صرف اجازت دیتی ہیں
بلکہ چیلنج بھی کر دیتی ہیں کہ اگر ہمت ہے تو کر کے دکھائیں- مگر اسی حوالے
سے جب مختلف خواتین سے سنجیدگی سے یہ سوال پوچھا گیا کہ اگر ان کے شوہر ان
سے دوسری شادی کی اجازت طلب کریں تو ان کا جواب کیا ہوگا تو ان کے جوابات
بہت دلچسپ تھے- |
|
دوسری شادی کی اجازت اور
خواتین کا رد عمل |
اس حوالے سے یہ بات تو طے تھی کہ کسی بھی خاتون نے دوسری
شادی کی اجازت خوش دلی سے نہ دی اور سب کا یہ ماننا تھا کہ مرد کو چار
شادیوں کی اجازت ہے حکم نہیں ہے- اس وجہ سے مرد کو خاص مجبوری کے علاوہ
دوسری شادی کے بارے میں سوچنا بھی نہیں چاہیے۔ اس کے ساتھ خواتین کے مطابق
مرد کو دوسری شادی ان وجوہات کی بنا پر نہیں کرنی چاہیے- |
|
مہنگائی |
خواتین کے مطابق مرد پہلی بیوی اور بچوں کے اخراجات اس
مہنگائی کے دور میں پورے کرنے میں مشکلات کا شکار ہے تو دوسری شادی کرنے کے
بعد دوسری بیوی کا خرچہ کہاں سے پورا کرے گا- اس وجہ سے اس کو دوسری شادی
کے بارے میں سوچنا بھی نہیں چاہیے- |
|
|
|
انصاف کیسے کریں گے |
اکثر خواتین اس حوالے سے اس کو بنیاد بناتی ہیں کہ مرد
کو چار شادیوں کی اجازت صرف اس شرط کے ساتھ دی گئی ہے کہ اس کو تمام بیویوں
میں انصاف قائم رکھنا ہے- لیکن مرد دوسری شادی کرنے کی اجازت تو مانگ لیتا
ہے مگر انصاف کی شرط پوری نہیں کر سکتا- اس وجہ سے بہتر ہے کہ دوسری شادی
ہی نہ کرے- |
|
عورت مرد کو کسی اور
عورت کے ساتھ نہیں بانٹ سکتی ہے |
اس حوالے سے کچھ خواتین نے مردوں کو شادی نہ کرنے کی
اجازت دینے کی وجہ بتاتے ہوئے کہا کہ عورت اپنے مرد کو کسی اور عورت کے
ساتھ نہیں بانٹ سکتی ہے اور نہ ہی اس کو برداشت کر سکتی ہے- اس وجہ سے عورت
کسی بھی صورت مرد کو دوسری شادی کی اجازت نہیں دے سکتی ہے- |
|
شادی کی کوئی ٹھوس وجہ
ہونی چاہیے |
کچھ خواتین کا یہ کہنا تھا کہ مرد کو دوسری شادی کی
اجازت مخصوص حالات میں ہی حاصل ہے جیسے کہ اگر اس کی پہلی بیوی سے اولاد نہ
ہو یا پہلی بیوی کا کردار ٹھیک نہ ہو یا پہلی بیوی کے ساتھ اس کے تعلقات اس
حد تک خراب ہوں کہ وہ اس کو طلاق دے چکا ہو تو اس صورت میں تو دوسری شادی
کر سکتا ہے ورنہ اس کے علاوہ اس کو ایسا کرنے کا سوچنا بھی نہیں چاہیے- |
|
|
|
خواتین کے ان حوابات سے پتہ چلتا ہے کہ کوئي
بھی خاتون اپنے شوہر کو دوسری شادی کی اجازت نہیں دے سکتی مگر اس کے باوجود
دوسری شادی وہ خواب ہے جو ہر مرد چھپ کر ضرور دیکھتا ہے اس حوالے سے آپ کی
کیا رائے ہے اپنے کمنٹ میں ضرور بتائيں- |