|
|
جس وقت حضرت انسان نے اپنی آسانی کے لیے پہلا پہیہ ایجاد
کیا تھا اس نے اس کی رفتار تو تیز کر دی تھی مگر جسم کو پہنچانے والی اس
سہولت نے انسان کی روح کو بہت پیچھے چھوڑ دیا اور مادیت کی اس دوڑ میں ہر
روز جہاں ایک نئی ایجاد سامنے آتی ہے وہیں کسی نہ کسی پرانی چیز کا آخری
وقت ہوتا ہے- اپنی لاعلمی میں ہم نے خود کو تیز رفتار تو کر لیا ہے مگر اس
تیز رفتاری میں بہت ساری ایسی چیزیں جو اس رفتار کا ساتھ نہ دے سکیں کہیں
بہت دور تنہا ہمارے کسی اسٹور میں یا ہماری یادوں کے اسٹور تک محدود ہو
گئيں ایسی ہی کچھ چیزوں کی یاد کو آج ہم آپ کے لیے لائے ہیں- |
|
صندلی سے ہیٹر تک کا سفر
|
ماضی میں سب گھر والے ایک جگہ پر بیٹھ کر نہ صرف صندلی
میں خود کو گرم کرتے تھے بلکہ اس کے ساتھ ہی ایک چینک رکھ دی جاتی تھی جس
میں قہوہ ہوتا تھا سب لوگ باتوں کے ساتھ ساتھ اس خوشذائقہ اور فائدہ مند
مشروب سے بھی فیض حاصل کرتے تھے مگر اب ہیٹر ہر کمرے کو تو گرم کر دیتا ہے
مگر ایک دوسرے کو دور کر رہا ہے- |
|
|
بڑے گھر مگر دل دور ہو
گئے |
اب آسائشوں سے گھر تو بھر لیے ہیں مگر ایک دوسرے کے ساتھ گزارنے کے
لیے وقت ختم ہو گیا ہے- پہلے ایک کتاب جو گھر والوں کو ایک دوسرے سے جوڑ
دیتی تھی اس کی جگہ بڑی اسکرین نے لے لی ہے جس کو خریدنے کے لیے پیسے تو
کما لیے گئے ہیں مگر اس کو ساتھ بیٹھ کر دیکھنے کا وقت کہیں گم ہو گیا ہے- |
|
|
کھانوں کی تعداد بڑھ گئی
مگر لذت کہیں گم ہو گئی |
ماضی میں ہر گھر میں ایک ہی ڈش بنتی تھی جس کو سب لوگ
ایک پلیٹ میں بیٹھ کر کھاتے تھے سادے سے اس کھانے کی لذت اور خوشبو آج بھی
سب کو یاد ہے- مگر اب ہماری ڈائننگ ٹیبل تو بہت بڑی ہو گئی جس میں طرح طرح
کے کھانے بھی موجود ہیں مگر ان کی لذت اور خوشبو نہ جانے کیوں محسوس نہیں
ہوتی ہے- |
|
|
کچھ لوگ جو
اپنوں سے زيادہ اپنے تھے |
کاندھوں پر بستہ اٹھائے آنے والا نائی گھر کے
بچوں بڑوں کی حجامت بنا دیتا تھا- اس دوران گھر کے سب لوگوں کی حجامت بھی
بناتا تھا اور بدلے میں کچھ کلو گندم لے کر دعائيں دے کر چلا جاتا ہے-
حالیہ دور میں اس بستے کی جگہ بڑے بڑے سیلون نے لے لی ہے جو بھاری معاوضے
کے بدلے میں آپ کو سنوار تو دیتے ہیں مگر دل سے دل کا جو تعلق تھا وہ اس
بڑی دکان نے کہیں چھین لیا ہے- |
|
|
ماں کی محبت کی خوشبو کہیں گم ہو گئی
|
ماں کے ہاتھوں کی بنائی گئی سويوں کی اس مشین کی جگہ آج ریڈی میڈ سوياں اور
نوڈلز لے چکی ہیں جو منٹوں میں تیار ہو جاتی ہیں اور کافی لذیذ بھی ہوتی
ہیں- مگر اس میں ماں کی محبت کے گندھے ہونے کی خوشبو کہیں گم ہو گئی ہے اب
سب کچھ ریڈی میڈ جو ہو گیا ہے- |
|
|
وقت کے ساتھ آگے بڑھنا انسان کے ارتقا کے لیے ضروری ہے اور وہی لوگ دنیاوی
اعتبار سے کامیاب سمجھے جاتے ہیں جو وقت کا ساتھ دیتے ہیں مگر اس کے باوجود
کچھ یادیں ماضی کی ایسی ہوتی ہیں جن سے انسان اپنا پیچھا نہیں چھڑا سکتا ہے- |