|
|
ہمارے معاشرے میں لڑکی کے رشتے کے لیے ضروری ہے کہ وہ
لڑکی کم عمر خوش شکل، تعلیم یافتہ ہونے کے ساتھ ساتھ ہر طرح کی خصوصیات کی
حامل ہو یہی خاصیت اس کے رشتے کی بنیادی شرط ہوتی ہے- |
|
لڑکیوں کی یہ آزمائش رشتے سے پہلے ہی نہیں بلکہ شادی کے
بعد بھی جاری رہتی ہے- اس حوالے سے حالیہ دنوں میں ایک ٹوئٹ سوشل میڈیا پر
وائرل ہوا جس پر سامنے آنے والے جوابات حیرت انگیز تھے- |
|
سوشل میڈیا پر وائرل ٹوئٹ
|
حالیہ دنوں میں ٹوئٹر پر ایک صارف احسن عرفان نے ٹوئٹر
پر ایک ٹوئٹ کیا کہ 5 بیچلر ڈگریوں ،4 ماسٹرز اور 3 پی ایچ ڈی کے باوجود
اگر لڑکی بریانی پکانا نہ جانتی ہو تو اس کا کیا فائدہ- |
|
ان کے اس ٹوئٹ کے نتیجے میں عوام کی جانب سے سامنے آنے
والے جوابات نے لوگوں کی سوچ کو ظاہر کرنے میں اہم کردار ادا کیا- |
|
|
|
بریانی نہ پکا سکنے کے سبب خاندانی نظام برباد |
ان کے اس ٹوئٹ کے جواب میں ایک صارف نے حیرت انگیز طور
پر بیوی کے کھانا نہ بنا سکنے کو خاندانی نظام کی بربادی قرار دیا- ان کا
کہنا تھا کہ اس وجہ سے میاں بیوی کی محبت متاثر ہو سکتی ہے- مغربی
آئيڈیالوجی کو اپنا کر ہم نے اپنے خاندانی نظام کو بر باد کر دیا ہے اب تو
ہر رشتہ فارمل بن گیا ہے- اس وجہ سے لوگ اب شادی کرنے کے بجائے پیسے دے کر
سہولیات حاصل کرنے لگے ہیں- |
|
اب کوئی ان سے پوچھے کہ بیوی اگر بریانی نہیں بنا سکتی
یا کھانا بنانا نہیں جانتی تو کیا لوگ اس وجہ سے لڑکی سے شادی ہی نہیں کریں
گے اور بریانی خرید کر کھا لیں گے- |
|
|
|
بریانی نہ پکا سکنے والی پی ایچ ڈی لڑکی ایک
سرمایہ ہے |
اس ٹوئٹ کے جواب میں خواتین بریگیڈ بھی سامنے
آئی اور ان کا کہنا تھا کہ بائیو کیمسٹری کے مضمون میں پی ایچ ڈی کی ڈگری
اس کے بیرون ملک ملازمت میں مددگار ثابت ہو سکتی ہے- جہاں وہ اپنے شوہر کو
بھی لے جا سکتی ہے۔ اس کی یہ ڈگری طلاق ہونے کی صورت میں اس کو کینیڈا میں
ملازمت دلوا سکتی ہے- آپ اس سے بریانی پکوانا چاہتے ہیں جب کہ دنیا اس کو
ایک قیمتی سرمایہ سمجھتی ہے- |
|
یعنی خواتین کی نظر میں اس کی ڈگریاں اس کی
ملازمت کا سبب ہوتی ہیں اس وجہ سے اس سے بریانی پکوانے کے بجائے اس کی قیمت
کو سمجھیں جیسا کہ دنیا بھر میں تعلیم یافتہ عورت کو سمجھا جاتا ہے- ڈگریاں
کامیاب شادی کی ضمانت نہیں ہو سکتی ہیں- |
|
|
|
ریاض الحق نامی ایک صارف نے اس حوالے سے جواب
دیتے ہوئے کہا کہ ان کو بہت اچھا لگا کہ عوام نے اس ٹوئٹ کے اصل معنی
سمجھنے کے بجائے غلط معنی نکال لیے- ان کا کہنا تھا کہ مرد خواتین کی اعلیٰ
تعلیم اور ڈگریاں دیکھ کر شادی کر تو لیتے ہیں مگر اس کے باوجود وہ اپنی
بیوی سے یہی امید رکھتے ہیں کہ وہ انہیں اچھی بریانی پکا کر کھلائے- اس کا
یہی مطلب ہے کہ بیوی کی پی ایچ ڈی کی ڈگری صرف مرد کی خوشی کا سبب نہیں ہو
سکتی ہے- |
|
|
|
بریانی تو صرف 150 روپے میں مل جاتی ہے مگر
تعلیم |
اس حوالے سے ایک اور صارف کا کہنا تھا کہ
بریانی تو صرف 150 روپے میں ایک پلیٹ خرید کر کھائی جا سکتی ہے لیکن تعلیم
کی کوئی قیمت نہیں ہوتی ہے- |
|
کیا مرد صرف عورت کو کھانا پکوانے کے لیے ہی
بیاہ کر لاتے ہیں
|
اس ٹوئٹ اور اس سے سامنے آنے والے جوابات سے یہ
نتیجہ نکالا جا سکتا ہے کہ مردوں کی نظر میں بیوی کے لیے یہ ضروری ہے کہ اس
کو اچھا کھانا بنانا آتا ہو اور یہی خوشگوار شادی شدہ زندگی کی بنیاد ہے- |
|
جب کہ موجودہ دور میں لڑکیاں اپنے کیرئير کو لے
کر بہت حساس ہو گئی ہیں اور ان کو یہ محسوس ہوتا ہے کہ بریانی تو خرید کر
کھائی جا سکتی ہے- ان کے لیے اس سے زيادہ ضروری یہ ہے کہ وہ اپنا کیرئير
بنا لیں- |
|
آپ اس حوالے سے کیا رائے رکھتے ہیں اپنی رائے
سے آگاہ کریں- |