|
|
| |
| اگر آپ کا تعلق پاکستان کے کسی بڑے شہر سے ہے تو آپ اس
بات سے لازمی واقف ہوں گے کہ وی آئی پی پروٹوکول سے کیا مراد ہے۔ جھنڈا لگی
گاڑی اور اس کے آگے پیچھے سیکیورٹی کی گاڑیاں اور عام عوام کے لیے ٹریفک
بند کے مناظر اور اس کے سبب ہونے والی کوفت کا سامنا تو سب ہی نے کیا ہوگا- |
| |
| وی آئی پی پروٹوکول کے
متاثرین |
| گزشتہ دنوں ایک ویڈيو نظر سے گزری جس میں ایک آدمی گود
میں بچہ لیے پولیس اور سیکیورٹی گارڈ سے منتیں کرتا نظر آرہا ہے کہ وی آئی
پی مومنٹ کے لیے لگائی گئی رکاوٹیں ہٹا دی جائيں تاکہ وہ اپنے بیمار بچے کو
ہسپتال لے جا سکے- |
| |
|
بیمار بچے کا باپ |
|
کسی بھی والدین کے لیے یہ بہت کڑا وقت ہوتا ہے جب کہ اس کے بچے کو طبی
امداد کی ضرورت ہوتی ہے اور اس کو پتہ ہوتا ہے کہ اگر اس کے بچے کو بر وقت
علاج کی سہولت نہ ملی تو اس کا بچہ زندگی کی بازی ہار بیٹھے گا- |
|
|
|
بظاہر بے بس مگر حقیقت میں بے اختیار پولیس
والا |
|
جب کہ دوسری جانب وہ بے چارے اور لاچار سیکیورٹی گارڈ یا پولیس والے ہوتے
ہیں جو کہ اوپر سے آنے والے احکام کو ماننے پر مجبور ہوتے ہیں اور اگر ان
آرڈرز کو ماننے میں کسی مجبور اور لاچار باپ کو دیکھ کر تھوڑی نرمی کر دیں
تو ان کو نوکری سے جواب مل جائے گا - |
|
|
|
|
| |
| نوکری جانے کی صورت میں اس کے اپنے بچے بھوک سے بلک بلک
کر مرنے پر مجبور ہو جائيں گے جس کی وجہ سے وہ اپنے بچوں کی زندگی کی خاطر
کسی دوسرے کے جاں بلب بچے کو علاج کے لیے ہسپتال تک جانے کا راستہ دینے سے
معذور ہوتا ہے- |
| |
| وی وی آئی پی جس کو سڑک
پر ہوتے المیہ کی ہوا تک نہیں لگتی ہے |
| اس سارے واقعہ کا ایک کردار اور بھی ہے جس کی وجہ سے ہی
یہ سارے المیہ نے جنم لیا ہوتا ہے اور وہ ہوتا ہے وی آئی پی ۔ ہمارے ملک
میں یہ وی آئی پی اکیس گریڈ کا سرکاری افسر بھی ہو سکتا ہے۔ سپریم کورٹ کا
کوئی جج بھی یا حکومت چلانے والا کوئی بڑے عہدے پر فائز سیاست دان بھی ہو
سکتا ہے |
| |
| اس کا وی آئی پی مومنٹ کا کانواۓ کسی بھی سڑک پر سے زوم
کر کے گزر جاتا ہے کیونکہ اس وی آئی پی کا وقت بہت قیمتی ہوتا ہے اور شائد
اس کی جان بھی بہت قیمتی ہوتی ہے- اس غریب کے بچے سے بھی زیادہ قیمتی جو کہ
اپنے باپ کی گود میں علاج نہ مل سکنے کے سبب آخری سانسیں لے رہا ہوتا ہے- |
| |
| گزشتہ حکومت میں عمران خان جب اقتدار میں آئے تھے تو
انہوں نے دعویٰ کیا تھا کہ وہ اس وی آئی پی پروٹوکول کا خاتمہ کریں گے لیکن
کچھ عرصے کے بعد ہی یہ سننے کو ملا کہ وزیر اعظم صاحب کی جان کو خطرہ ہے اس
وجہ سے یہ ضروری ہے- |
|
|
|
|
| |
| آپ پروٹوکول ضرور لیں
مگر ہمارے بچوں پر بھی رحم کریں |
| ایسے بہت سارے واقعات ماضی قریب میں بھی نظر میں آتے رہے
ہیں جس میں وی آئی پی پروٹوکول میں ایمبولنس میں ہی غریب لوگ جان کی بازی
ہار بیٹھے ہیں- ایسی صورتحال کو دیکھتے ہوئے عوامی حکمرانوں کو خصوصا ایسی
قانون سازی کرنی چاہیے جس کے تحت کسی بھی پروٹوکول کی صورت میں ایمبولنس یا
بیمار افراد کو علاج کی سہولت کے لیے خصوصی اجازت حاصل ہو- |
| |
| آپ کا اس حوالے سے کیا کہنا ہے اپنے کمنٹ سے ضرور آگاہ
کریں |