|
|
| |
| صدیوں سے ایسی عورت کو جو کہ کسی دوسرے جوڑے کا گھر
توڑنے کا سبب بنتی ہیں بہت بری نظر سے دیکھا جاتا ہے۔ ہمارے شوبز میں بھی
کچھ خواتین کو گھر توڑنے والی عورت کا خطاب دیا جاتا ہے ان میں سے ایک تو
صدف کنول ہیں جن پر سائرہ اور شہروز کا گھر توڑنے کا الزام لگایا جاتا ہے
اسی طرح ماضی میں اداکارہ نوین وقار پر بھی ایسا ہی الزام لگایا جاتا رہا
جنہوں نے جب اداکار اور ہدایت کار اظفر علی سے شادی کی تو لوگوں نے اس کو
سلمیٰ حسن اور اظفر کے ہنستے بستے گھر کو توڑنے والا قرار دے کر بہت برا
بھلا کہا۔ |
| |
| نوین وقار کا اظفر علی
کے ساتھ طلاق کے بعد اعتراف |
| مگر جو دوسروں کو تکلیف دیتے ہیں وہ خود بھی سکھ میں
نہیں رہتے اور ایسا ہی کچھ نوین وقار کے ساتھ ہوا۔ ماضی میں ڈرامہ ہم سفر
میں جس طرح نوین وقار نے جو کردار ادا کیا تھا سوشل میڈيا صارفین کے مطابق
انہوں نے حقیقی زندگی میں بھی وہی کردار اظفر علی اور سلمیٰ حسن کی زندگی
میں کیا اور اب اس وقت اسی طرح کے ڈپریشن کا بھی شکار رہیں جس طرح سے ڈرامے
میں ان کے کردار کے ساتھ ہوا تھا اور وہ خودکشی پر مجبور ہو گئی تھیں- |
|
|
|
حالیہ دیے گئے ایک انٹرویو میں نوین وقار کا یہ کہنا تھا کہ اظفر علی سے
طلاق ان کی زندگی کا مشکل ترین وقت تھا یہ وہ وقت تھا جب ان کی پہلی سیریل
ہم سفر نے ہی ان کو شہرت کے آسمان پر پہنچا دیا تھا۔جب کہ دوسری طرف حقیقی
زندگی کے مسائل ان کو بری طرح توڑ رہے تھے- ان کا یہ کہنا تھا کہ اس سب سے
خود کو نکال کر دوبارہ سے کھڑے ہونا ان کے لیے بہت مشکل فیز تھا۔ مگر ان سب
حالات نے ان پر یہ ثابت کیا کہ وہ کتنی بہادر ہیں۔ یہ ان کی زندگی کا ایسا
وقت تھا جس نے ان کو مکمل طور پر بدل کر رکھ دیا اور وہ ایسی انسان بن گئيں
جو کسی دوسرے تک اپنی ذاتی زندگی شئیر کرنے پر یقین نہیں رکھتی ہیں- |
|
|
|
|
| |
| سوشل میڈیا والوں نے
نوین وقار کو آڑے ہاتھوں لے لیا |
| حالیہ دیے گئے انٹرویو میں اپنی طلاق کے بارے میں بات کر
کے اور اپنی زندگی کی مشکلات بیان کرنے کے باوجود بھی سوشل میڈيا صارفین نے
ماضی میں کیۓ گۓ ان کے عمل کو معاف نہیں کیا اور ان کو آئینہ دکھانا ضروری
سمجھا- |
| |
| ایک صارف کا ان کے انٹرویو کے حوالے سے کہنا تھا کہ نوین
وقار کی زندگی کی مشکلات کے حوالے سے وہ ان کے منہ سے جتنا بھی سن رہی ہیں
اتنا ہی وہ اس سے قائل نہیں ہو پا رہیں کیوں کہ ان کو اس وقت وہ دباؤ یاد
آرہا ہے جس کا سامنا نوین وقار کی وجہ سے سلمیٰ حسن کو کرنا پڑا ہوگا- ایک
بالغ انسان کی حیثیت سے اللہ تعالیٰ نے ہمیں سوچنے سمجھنے کی صلاحیتوں سے
نوازا ہے۔ انہوں نے ایک ایسے شخص کا انتخاب کیا جس نے اپنی بیوی اور بچوں
سے بے وفائی کی۔ تو پھر نوین یہ امید کیسے رکھ سکتی تھیں کہ وہ شخص ان سے
وفا کرے گا- |
| |
| جب کہ ایک اور صارف کا یہ بھی کہنا تھا کہ ڈرامہ ہم سفر
کے کردار سے بھی کوئی سبق نہیں سیکھا آپ نے عورت ہونے کے باوجود دوسری عورت
سے دشمنی کی۔ جب کہ سلام پیش کرنا چاہیے سلمیٰ حسن کو جس نے اتنے مشکل وقت
کو بہت حوصلے سے گزارا اگر آپ دوسروں کا گھر توڑتے ہیں تو پھر یاد رکھیں
خوش آپ بھی نہیں رہیں گے- |
| |
|
|
| |
| اب جب کہ نوین وقار اور اظفر علی میں بھی
علیحدگی ہو چکی ہے اور دونوں اپنی اپنی زندگی میں آگے بڑھ چکے ہیں مگر اس
کے باوجود دنیا والے ان کے اس گناہ کو معاف کرنے کے لیے تیار نہیں ہیں اور
ان کی زندگی میں آنے والے تمام مسائل کا سراسر ذمہ دار خود ان کو ہی قرار
دیتے ہیں- |
| |
| آپ کا اس حوالے سے کیا کہنا ہے |