| جب ہم اپنے چاروں جانب دیکھتے ہیں
تو ہر چیز کا ہر بات کا اچھی طرح سے مشاہدہ کرنے کہ بعد ہر شے کے ہر واقعہ کے
حقائق اور اسکے اچھے برے تنائج سے متعلق ضروری معلومات سے آگاہی کا حصول صاف
دکھائی دیتا ہے اور جب انسان کسی چیز کی حقیقت کو پالے تو مستقبل کی بہتری کے
لئے مناسب لائحہ عمل تشکیل دینا کچھ مشکل نہیں رہتا آج کے دور میں بڑے تو کیا
بچے بھی بہت سے حقائق سے آگاہی رکھتے ہیں اور اپنی دانست کے مطابق اپنی رائے کا
اظہار بھی کرتے ہیں جب ہم علم و شعور کی دولت سے مالا مال ہیں تو پھر وہ کونسی
رکاوٹ ہے جو ہمیں کامیابی اور ترقی کی منزل سے اب تک دور رکھے ہوئے ہے جبکہ
ہمارے ملک میں نہ سرمایہ کی کمی ہے نہ افرادی قوت و صلاحیت کی کیا قومی سرمائے
کی تقسیم کا عمل ناقص ہے یا افرادی قوت سے کام لینے کا ڈھنگ نہیں ہے جس سرزمین
کو قدرت نے ہر قسم کی قدرتی نعمتوں سے نوازہ ہو وہاں ترقی کی رفتار اس قدر سست
ہونا کوئی معنی نہیں رکھتا ہمیں اپنے رویوں پر اپنے اعمال ہر اپنی صلاحیتوں پر
نظر ثانی کرنا ہوگی اور سوچنا ہوگا کہ ہم قدرت کی عطا کردہ عنایات کو کیسے سب
کے لئے قابل استعمال بنا سکتے ہیں اور کیسے اپنے لوگوں اپنے ملک اور عالمی
برادری کو فائدہ پہنچا سکتے ہیں اسکا سب سے آسان اور مستند طریقہ یہ ہے کہ اللہ
تعالیٰ نے تمام جہانوں کی بھلائی کے لئے جو کتاب مقدس یعنی قرآن مجید جو کہ
نسخئہء کیمیا کی صورت میں عطا کیا ہے اس کی حکمتوں کو عملی طور پر اپنا لیں صرف
جھوم جھوم کر تلاوت کی اور رکھ دیا یہ جانے بغیر یہ سمجھے بغیر کی اس کتاب کی
رو سے ہمیں اپنی صلاحیتوں سے کس طرح فیض حاصل کرنا ہے یاد رکھیں جس دن سے ہم نے
صحیح معنوں میں کلام پاک کی تعلیمات پر عمل شروع کردیا ہماری کایا ہی پلٹ جائے
گی ایک بار سوچیں تو صحیح چاہیں تو صحیح اور اس راستے کی سمت قدم بڑھائیں تو
صحیح آپ خود دیکھیں گے کہ ہم کامیاب تھے ہم کامیاب ہیں اور ہمیشہ کامیاب رہیں
گے انشاءاللہ العزیز |