پہلے چیز کی تصویر کھینچو اور پھر صفائی شروع کرو٬ روبینہ اشرف اپنے گھر کے ملازمین کے ساتھ کیسا سلوک کرتی ہیں؟

ہم سب روبینہ اشرف کو برسوں سے اپنی ٹی وی اسکرین دیکھ رہے ہیں اور اب تک درجنوں ایسے ڈرامے دیکھ چکے ہیں جن میں انہوں نے اعلیٰ معیار کی پرفارمنس کا مظاہرہ کیا ہے- اب روبینہ اشرف ہدایت کاری کی دنیا میں بھی قدم رکھ چکی ہیں جس کی وجہ سے ایہ انڈسٹری میں دو ممتاز مقام کی مالک ہیں-

حال ہی میں روبینہ اشرف نے بطورِ مہمان ندا یاسر کے مارننگ شو میں شرکت کی جہاں انہوں نے اپنی پیشہ ورانہ زندگی کے علاوہ نجی زندگی کے حوالے سے بھی کھل کر بات کی- اس شو میں اس وقت روبینہ اشرف کے علاوہ معروف اداکارہ شگفتہ اعجاز اور عذرا محی الدین بھی بطورِ مہمان شریک تھیں-

روبینہ اشرف نے شو میں اپنی نجی زندگی کے حوالے سے بتایا کہ انہوں نے OCD (ایک خاص دماغی حالت) کے حوالے سے بہت جدوجہد کی ہے اور اسی وجہ سے وہ ہر چیز کو ایک خاص زاویے اور ایک خاص جگہ پر رکھنا پسند کرتی ہیں- انہیں اپنے کافی ٹیبل پر برتنوں کو ہمیشہ ایک خاص انداز میں رکھا ہوا چاہیے اور اس کے لیے وہ ہمیشہ اپنے گھر کے ملازمین کو ہدایات جاری کرتی رہتی ہیں تاکہ ہر چیز اپنی اصلی جگہ اور اصلی ترتیب کے ساتھ موجود ہو-

روبینہ اشرف کا کہنا تھا کہ بعض اوقات خاندان والے بھی میری اس بات سے اکتا جاتے ہیں کہ میں کتنی پرفیکشنسٹ ہوں-

روبینہ اشرف کا مزید کہنا تھا کہ مجھے اس صورت میں گھر کا اسٹاف تبدیل کرنے کی کوئی ضرورت نہیں ہے کہ اگر وہ میری ہدایات پر صحیح طریقے سے عمل کریں کیونکہ وہ میں خود کو تبدیل نہیں کرسکتی-

روبینہ اشرف نے یہاں تک کہا کہ وہ اپنی پسند کے مطابق چیزوں کی اس حد تک عادی ہوچکی ہیں کہ وہ سوچتی ہیں جب وہ بڑی عمر کی خاتون ہوجائیں گی اور وہ اسٹاف کو ہدایات نہیں دے سکیں گی تو وہ ہوٹل میں شفٹ ہوجائیں گی تاکہ وہاں اپنی پسند کی خدمات حاصل کرسکیں-

روبینہ اشرف نے مزید کہا کہ ان کی بیٹی مینا طارق بھی اکثر مذاق کرتی ہے کہ ماں ہوٹل کا عملہ بھی آپ کے ساتھ نہیں چل پائے گا۔

روبینہ اشرف کہتی ہیں کہ جب ایک بار گھر میں صفائی ہوجاتی ہے تو میں دوبارہ چیک کرتی ہوں اور ہر چیز کو اس کی جگہ پر واپس رکھتی ہوں- یہاں تک کہ جس روز شوٹ پر جانا ہو تو اس سے پہلے بھی ہر چیز چیک کر کے جاتی ہوں اور مجھے پتہ بھی چل جاتا ہے کہ یہاں صفائی کی گئی ہے یا نہیں-

میں نے اسٹاف سے کہا ہوتا ہے کہ اگر آپ کو چیزیں یاد نہ ہوں کہ کونسی کہاں ٹیبل پر رکھنی ہیں تو پہلے کیمرے سے تصویر کھینچو پھر صفائی کروں اور اس کے بعد چیزوں کو ان کی جگہ پر ویسے ہی واپس رکھ دو-

ایسے ہی کچھ خیالات کا اظہار اداکارہ عذرا محی الدین اور شگفتہ اعجاز نے بھی کیا کہ وہ بھی اپنے گھر کے ملازمین کو کچھ اسی قسم کی ہدایات جاری کرتی ہیں کیونکہ وہ بھی یہی چاہتی ہیں چیزوں کو ان کی ترتیب سے رکھا جائے-

< Previous میری ماں نے پہلے بتا دیا تھا کہ وہ کب مریں گی، گویندا کی زندگی میں ان کی ماں کی ایسی حیرت انگیز پیشن گوئياں جو پوری ہوئيں NEXT > انہوں نے اپنا نام عائشہ سلطانہ رکھا، شوبز کی 5 اداکارائیں جنہوں نے محبت کی شادی سے قبل اسلام قبول کر لیا