کیا آپ کے باس میں بھی یہ عادتیں ہیں کیونکہ ۔۔ وہ پانچ باتیں جن سے اچھے اور برے باس کا اندازہ لگانا باآسانی ممکن

کیا آپ خود کو اپنے دفتر یا ادارے میں کمتر محسوس کرتے ہیں، کیا آپ بھی آپ کے ساتھ منفی رویہ رکھتا ہے، کیا آپ بھی اپنے باس کی وجہ سے تناؤ محسوس کرتے ہیں یا باس کی موجودگی آپ کیلئے تکلیف کا سبب بنتی ہے۔ آئیے آپ کو 5 ایسی باتیں بتائیں جن کی مدد سے آپ کو اپنے باس کے اچھے یا برے ہونے سے متعلق اندازہ لگانے میں آسانی ہوگی۔

بات چیت

اچھے باس میں سب سے بڑی خوبی بات چیت کا انداز ہوتا ہے لیکن برا باس ہمیشہ بات چیت کے بجائے احکامات اور ڈانٹ ڈپٹ پر زیادہ فوکس کرتا ہے۔ ایک اچھا باس ملازمین کی رائے اور مسائل پر بات چیت کو ترجیح دیتا ہے لیکن برا باس ملازم سے بات کرنا اپنی توہین سمجھتا ہے۔ آپ کا باس آپ یا دوسرے ملازمین سے کیسے پیش آتا ہے، آپ ان باتوں سے ان کے اچھے یا برے ہونے کا اندازہ لگاسکتے ہیں۔

بے اعتمادی

اچھا باس ہمیشہ اپنے ملازمین پر بھروسہ کرتا ہے اور ان کو مواقع فراہم کرنے کی کوشش کرتا ہے لیکن برا باس کبھی بھی دوسروں پر بھروسہ نہیں کرتا اور خود کو ہمیشہ غیر محفوظ تصور کرتا ہے جس کی وجہ سے کمانڈ کسی کے حوالے کرنے سے کتراتا ہے ۔ کسی بھی باس کے اعتماد اور بے اعتمادی کا ادارے کی ترقی اور تنزلی میں بہت اہم کردار ہوتا ہے۔ اب آپ اپنے ادارے کی ترقی و تنزلی اور باس کے اعتماد کا اندازہ خود کرسکتے ہیں۔

کریڈٹ

ایک اچھا باس یہ جانتا ہے کہ تعریف کسی بھی ملازم کیلئے بونس سے بھی زیادہ اہمیت رکھتی ہے اور اچھا باس اپنے ملازمین کی بوقت ضرورت دل کھول کر تعریف کرتا ہے اور کریڈٹ بھی دیتا ہے لیکن برا باس کریڈٹ دینا تو دور تعریف کرنا بھی گوارا نہیں کرتا اور ہمیشہ اپنی ذات کی بڑائی میں مصروف رہتا ہے۔ آپ کے باس میں دونوں میں کونسی عادت ہے، یہ فیصلہ کرلیں۔

تضحیک

اچھا باس کبھی بھی کسی بھی صورت اپنے ملازم کی تضحیک نہیں کرتا بلکہ غلطی یا کوتاہی پر بھی مہذب انداز میں تنبیہ کرتا ہے لیکن برا باس چھوٹی سی بات پر بھی سب کے سامنے آپ کو ڈانٹ یا بے عزت کرسکتا ہے۔ آپ کا باس آپ کے ساتھ کیسے پیش آتا ہے، اچھے برے کا فیصلہ کوئی مشکل نہیں۔

پسندیدگی

کچھ باس ایسے ہوتے ہیں جن کی موجودگی ملازمین کیلئے اطمینان اور خوشی کا سبب ہوتی ہے جبکہ کچھ باس ایسے ہوتے ہیں جن کے آتے ہی دفتر کے ماحول تناؤ آجاتا ہے اور ملازمین کھنچاؤ محسوس کرتے ہیں۔ آپ کے باس اچھے ہیں یا برے ، آپ اور دوسرے ملازمین باس کی موجودگی میں کتنا پرسکون محسوس کرتے ہیں خود فیصلہ کرلیں اور دوسروں کو بھی فیصلہ کرنے میں مدد کریں۔

< Previous انٹرویو کے دوران ان 5 پانچ غلطیوں سے بچیں NEXT > امریکا میں لاکھوں نوکریاں۔۔ ہزاروں ڈالر تنخواہ لیکن ویزا کیسے ملے گا، مکمل معلومات